బాలీవుడ్ నటి అతియా శెట్టితో టీమ్ఇండియా క్రికెటర్ కేఎల్ రాహుల్ డేటింగ్లో ఉన్నాడని ప్రచారం జరుగుతోంది. తాజాగా అతియ ఇన్స్టాగ్రామ్ పోస్ట్కు రాహుల్ కామెంట్ చేయడం వల్ల ఆ వార్తలకు బలం చేకూరుతోంది. స్విమ్సూట్లో ఉన్న మిర్రర్ సెల్ఫీని అతియ ఇన్స్టాలో పంచుకుంది. ఈ చిత్రానికి హార్ట్ ఎమోజీతో ‘జెఫా’ అని కామెంట్ చేశాడు రాహుల్. దీని అర్థం ఏంటని కొందరు నెటిజన్లు ఆశ్చర్యపోతున్నారు. అయితే స్పానిష్ భాషలో దానికి ‘ బాస్’ అని అర్థం.
రాహుల్, అతియ ప్రేమలో ఉన్నారని ప్రచారం జరుగుతున్నా.. వాటిపై ఈ జోడి నుంచి ఎటువంటి స్పందన లేదు. అయితే వారిద్దరి సోషల్మీడియా పోస్టులు మాత్రం తరచూ వైరల్ అవుతున్నాయి. ఇటీవలే రాహుల్ పుట్టినరోజు సందర్భంగా అతియ శుభాకాంక్షలు తెలుపుతున్న పోస్టులో ‘అతను నా వ్యక్తి’ అని పేర్కొంది.
ఈ ఏడాది ప్రారంభంలో న్యూజిలాండ్ పర్యటనలో కేఎల్ రాహుల్ అద్భుతమైన ప్రతిభ కనబరిచాడు. యూఏఈ వేదికగా సెప్టెంబరు 19 నుంచి ప్రారంభం కానున్న ఐపీఎల్లో కింగ్స్ ఎలెవన్ పంజాబ్ జట్టుకు ఈ సారి నాయకత్వం వహించబోతున్నాడు.
