తెలంగాణ రాష్ట్రంలో కరోనా కేసులు తగ్గినట్టే తగ్గి మళ్ళీ పెరుగుతున్నాయి. తాజాగా వైద్య ఆరోగ్య శాఖ విడుదల చేసిన బులెటిన్ ప్రకారం కరోనా కేసులు తెలంగాణాలో లక్ష మార్క్ ని క్రాస్ చేశాయి. ఇక బులెటిన్ ప్రకారం 24 గంటల్లో 2474 కరోనా కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 101865కి చేరింది. అలానే నిన్న ఒక్కరోజే కరోనాతో ఏడుగురు మృతి చెందారు. దీంతో మృతుల సంఖ్య 744కి పెరిగింది.
ఇక నిన్న కరోనా బారి నుంచి నిన్న 1768 మంది కోలుకున్నారు. దీంతో ఇప్పటి వరకు కోలుకున్న వారి సంఖ్య 78735కి చేరింది. రాష్ట్రంలో ప్రస్తుతం యాక్టివ్‌ కేసుల సంఖ్య 22386గా ఉండగా అందులో 15931 మంది హోం ఐసోలేషన్ లోనే ఉన్నారని వైద్య ఆరోగ్యశాఖ వెల్లడించింది. ఇక నిన్న తెలంగాణలో 43095 టెస్ట్ లు చేయగా ఇప్పటి వరకు చేసిన కరోనా టెస్ట్ ల సంఖ్య 891173కి చేరింది. ఇక ఇక్కడ సంతోషం కలిగించే అంశం ఏమిటంటే రికవరీ రేట్ 77.29గా ఉంది.
