కరోనా లాక్డౌన్ తర్వాత థియేటర్లకి అనుమతులు ఇచ్చినప్పటికీ సీటింగ్ సామర్థ్యంలో షరతులు విధించింది. థియేటర్లలో ఉండే సీట్లకి సగం మంది మాత్రమే సినిమా చూసే అవకాశం ఉందని తెలిపింది. సీటింగ్ కెపాసిటీ తగ్గితే థియేటర్లకి, సినిమా వారికి వచ్చే ఆదాయం తగ్గిపోతుంది. ఈ కారణంగానే థియేటర్లలో కొత్త సినిమాలు రిలీజ్ చేయడానికి ఎవరూ ముందుకు రాలేదు. కానీ తాజాగా సాయి ధరమ్ తేజ్, తన సినిమాని థియేటర్లలో రిలీజ్ చేయబోతున్నాడు.
సోలో బ్రతుకే సో బెటరు పేరుతో తెరకెక్కిన మూవీ డిసెంబరు నెలలో థియేటర్లలోకి రానుందట. ఈ మేరకు ట్విట్టర్ వేదికగా సాయి తేజ్ స్పందించాడు. ఐతే డిసెంబరులో అని చెప్పాడు కానీ ఏ తేదీన వస్తుందో చెప్పలేదు. డిసెంబరులో సినిమాల వారం చివరివారమే కాబట్టి అప్పుడే రిలీజ్ అయ్యే అవకాశాలు ఉన్నాయి. మొత్తానికి తెలుగు చిత్ర పరిశ్రమ నుండి థియేటర్లలో రిలీజ్ అవబోయే మొదటి సినిమా సోలో బ్రతుకే సో బెటరు అయ్యేలా ఉంది.
