Gangubai Kathiawadi : బాలీవుడ్ ద‌ర్శ‌క దిగ్గ‌జం సంజయ్ లీలా భన్సాలీ ప్ర‌తిష్టాత్మ‌కంగా తెర‌కెక్కిస్తున్న చిత్రం గంగూభాయ్ కతియావాడి.ముంబై లోని వేశ్య‌ల జీవిత సంఘటల ఆధారంగా రూపొందుతున్న ఈ చిత్రంలో బాలీవుడ్ అందాల తార అలియా భట్ ప్రధానపాత్రలో న‌టిస్తున్నారు. ఈ చిత్రాన్ని పెన్ స్టూడియోస్, భన్సాలీ ప్రొడక్షన్స్ బ్యానర్ల మీద జయంతి లాల్ గడా, సంజయ్ లీలా భన్సాలీ నిర్మిస్తున్నారు.
ప్ర‌ముఖ జర్నలిస్ట్ హుస్సైన్‌ జెదీ ర‌చించిన పుస్త‌కం ‘మాఫియా క్వీన్స్‌ ఆఫ్‌ ముంబై’ . ఈ పుస్త‌కం ఆధారంగా తెరకెక్కిస్తున్నారు ఈ చిత్రాన్ని. ఇప్ప‌టికే రిలీజ్ అయిన పోస్టర్స్ అండ్ టీజర్‌ల‌కు విశేష స్పంద‌న లభించింది. దీంతో ఈ చిత్రంపై భారీ అంచనాలు నెల‌కొన్నాయి.
ఇప్ప‌టికే ప్రేక్ష‌కుల ముందు రావాల్సిండే కానీ, కరోనా వల్ల రిలీజ్ పోస్ట్‌పోన్ అవుతూ వచ్చింది. రీసెంట్‌గా ‘గంగూబాయి కథియావాడి’ న్యూ రిలీజ్ డేట్ ప్ర‌క‌టించింది ఆ చిత్ర యూనిట్. ఈ చిత్రాన్ని ప్ర‌పంచ‌వ్యాప్తంగా 2022 జనవరి 6న విడుదల చేయ‌నున్నారు. ఈచిత్రంలో అజయ్ దేవగణ్, ఇమ్రాన్ హష్మి, హ్యూమా ఖురేషి అతిథి పాత్రల్లో కనిపించనున్నారు.
ముంబై రెడ్ లైట్ ఏరియాలో అమ్మివేయబడిన ఓ బాలిక, క్ర‌మంగా తిరుగులేని శక్తిగా ఎలా ఎదిగింది. అక్క‌డ జీవన పరిస్థితులను ఏవిధంగా మెరుగుపర్చడానికి ప్ర‌య‌త్నించిందన్న‌దే ఈ చిత్ర కథాంశం. ఓ ప్ర‌ధాన పాత్ర‌లో అలియా ఎలా చేస్తారో చూడాలనే ఆసక్తి ప్రేక్షకులలో నెలకొని ఉంది.
మ‌రోవైపు.. జ‌క్క‌న్న ఎస్ ఎస్ రాజ‌మౌళి ప్ర‌తిష్టాత్మ‌కంగా తెర‌కెక్కిస్తున్న చిత్రం ఆర్ ఆర్ ఆర్ మూవీ. ఈ చిత్రంలో రామ్ చ‌ర‌ణ్ జంట‌గా అలియా భట్ న‌టించిన విష‌యం తెలిసిందే. ఈ చిత్రం కూడా సంక్రాంతి కానుక ప్రేక్ష‌కుల ముందుకు రాబోతుంది. ఈ రెండు చిత్రాలు ప్రేక్ష‌కుల‌ను ఏవిధంగా అల‌రిస్తాయో వేచి చూడాలి.
