Bimbisara: హిట్ ఫ్లాప్ లతో సంబంధం లేకుండా వరుస సినిమాలు చేస్తూ దుసుకు పోతున్నాడు నంద‌మూరి హీరో కళ్యాణ్ రామ్. ఆయ‌న హీరోగానే కాకుండా.. నిర్మాత‌గా కూడా ప్రయోగత్మ‌కంగా అనేక చిత్రాల‌ను తెర‌కెక్కిస్తున్నారు. ప్రేక్ష‌కులు హృద‌యాల్లో త‌న‌కంటూ ఓ ప్ర‌త్యేక స్థానాన్ని సంపాదించు కున్నారు. తాజాగా మ‌రో ఎక్స్‌పెరిమెంట్‌కు సిద్ధ‌మ‌య్యారు. టైమ్ ట్రావెల్ సోషియో ఫాంటసీ డ్రామాగా బింబిసార అనే సినిమా తెర‌కెక్కిస్తున్నారు కళ్యాణ్ రామ్.
ఈ చిత్రాన్ని ఎన్టీఆర్ ఆర్ట్స్ బ్యానర్ పై హరికృష్ణ నిర్మిస్తున్నాడు. పుణ్యభూమిలో ఓ అటవిక రాజు కథే ఈ సినిమా అంటూ చిత్రబృందం మోషన్ పోస్టర్ కూడా రిలీజ్ చేశారు. ఈ చిత్రంలో కల్యాణ్ రామ్ సరసన కాథరిన్ ట్రెసా, సంయుక్త మీనన్ నటిస్తున్నారు. ఈ సినిమాకు శ్రీ వశిష్ఠ్ దర్శకత్వం వహిస్తున్నారు.
అయితే.. ఈ సినిమా షూటింగ్ పూర్తి అయ్యింది. ఈ చిత్రాన్ని డిసెంబర్ లో విడుదల చేయాలనే ఆలోచనలో ఉన్నారట. ఆ దిశగానే సన్నాహాలు జరుగుతున్నాయని అంటున్నారు. అయితే.. డిసెంబర్ లో బాక్స్ ఆఫీస్ వ‌ద్ద తీవ్ర పోటీ నెల‌కొంది. బాలకృష్ణ అఖండ డిసెంబర్2న విడుదల కానున్న‌ది. అలాగే పుష్ప డిసెంబర్ 17న ప్ర‌పంచ వ్యాప్తంగా రిలీజ్ కాబోతుంది.
ఇదే త‌రుణంలో డిసెంబర్ 24న వరుణ్ తేజ్ గని, న్యాచుల‌ర్ స్టార్ నాని శ్యామ్ సింగరాయ్ సినిమాలు విడుదల కు సిద్ద‌మ‌య్యాయి. తాజా డిసెంబర్ రేస్ లో బింబిసార కూడా చేరింది. అయితే .. ఈ చిత్రం ఆ భారీ సినిమాల పోటీ నుంచి త‌ట్టుకోగ‌ల‌ద అనే చూడాలి.
