ఐకాన్ స్టార్ అల్లు అర్జున్ పుష్ప సినిమా బాక్సాఫీస్ ను షేక్ చేసి ఎన్నో రికార్డుల‌ను కొల్ల‌గొట్టింది. కాగ ఈ సినిమాలో డైలాగ్స్, డ్యాన్స్ లు కూడా ప్రపంచ వ్యాప్తంగా విప‌రీత‌మైన క్రేజ్ ను సంపాదించుకున్నాయి. ఇక క్రికెటర్స్ అయితే.. శ్రీ వ‌ల్లి పాట స్టెప్పుల‌ను నిద్ర‌లోనూ వేస్తున్న‌ట్టు ఉన్నారు. క్రికెటర్లు ఇంట్లో ఉన్నప్పుడు, పార్క్ లో ఉన్నప్పుడు, క్రికెట్ ఆడుతున్నప్పుడు ఇలా శ్రీ వ‌ల్లి స్టెప్పులు వేస్తున్నారు. ఆ వీడియోలు సోషల్ మీడియాలో వైర‌ల్ అవుతున్నాయి.
తాజా గా టీమిండియా ఆల్ రౌండ‌ర్ ర‌విచంద్రన్ అశ్విన్ కాస్త డిఫ‌రెంట్ గా శ్రీ వ‌ల్లి స్టెప్పుల‌ను వేశాడు. నెట్ లో బ్యాటింగ్ ప్రాక్టిస్ చేస్తున్న స‌మ‌యంలో శ్రీ వ‌ల్లి పాటకు స్టెప్పులు వేశాడు. ఆ వీడియోను త‌న ఇన్ స్టాగ్రామ్ ఖాతా లో పోస్టు చేశాడు. దీంతో ఈ వీడియో ఫుల్ వైర‌ల్ అవుతుంది. ఇప్ప‌టి వ‌ర‌కు ఈ వీడియోను 2.5 ల‌క్షల మంది చూశారు. అలాగే చాలా మంది కామెంట్స్ పెడుతున్నారు.
కాగ ఇటీవ‌ల క్రికెటర్స్ కు పుష్ప ఫీవ‌ర్ ప‌ట్టుకుంది. ఇప్ప‌టి వ‌ర‌కు శిఖ‌ర్ ధావ‌న్, ర‌వీంద్ర జ‌డేజా, సురేష్ రైనా, హార్ధిక్ పాండ్యా, డేవిడ్ వార్న‌ర్, డిజే బ్రావో తో పాటు చాలా మంది పుష్ప సినిమాలో డైలాగ్స్, స్టెప్స్ చేస్తు త‌మ సోషల్ మీడియా ఖాతాల‌తో అభిమానుల‌తో పంచుకుంటున్నారు.
