బాలీవుడ్ ఫిల్మ్ మేకర్స్ కొద్ది రోజులుగా సౌత్ ఇండియన్ ఫిల్మ్స్ పైన ఫోకస్ పెడుతున్నారు. సౌత్ మూవీస్ హిందీలో రీమేక్ చేసి సక్సెస్ అవుతున్నారు. ఇటీవల కాలంలో అలా రీమేక్ అయిన సినిమాలు బాక్సాఫీసు వద్ద సత్తా చాటాయి. కాగా, తాజాగా మరో సినిమా రీమేక్ అవుతోంది.
అరుణ్ విజయ్ హీరోగా నటించిన కోలీవుడ్ సూపర్ హిట్ ఫిల్మ్ ‘తడం’ బీ టౌన్ లో రీమేక్ అవుతోంది. అరుణ్ విజయ్ ద్విపాత్రాభినయం చేసిన ఈ క్రైమ్ థ్రిల్లర్ బాక్సాఫీసు వద్ద బంపర్ వసూళ్లు చేసింది. హిందీలో ఈ చిత్రాన్ని అఫీషియల్ గా రీమేక్ చేస్తున్నారు. ఆదిత్య రాయ్ కపూర్ ఈ మూవీలో తొలిసారి ద్విపాత్రాభినయం చేస్తున్నారు.
మృణాళ్ ఠాకూర్ ఈ మూవీ స్టోరిలో కీ రోల్ ప్లే చేసే పోలీస్ ఆఫీసర్ గా కనిపించనుంది. ఇప్పటికే కొంత భాగం షూటింగ్ కూడా అయినట్లు తెలుస్తోంది. ఈ పిక్చర్ తో వర్ధన్ కేట్కర్ దర్శకుడిగా పరిచయం అవుతున్నారు. టీ సిరీస్, సినీ1 స్టూడియోస్ ఈ పిక్చర్ ప్రొడ్యూస్ చేస్తున్నాయి.
ఈ పిక్చర్ కు ‘గుమ్రా’ అనే టైటిల్‌ను ఫిక్స్ చేసింది మూవీ యూనిట్. ‘తడం’ సినిమా టాలీవుడ్ లోనూ రీమేక్ అయింది. యంగ్ హీరో రామ్ పోతినేని ఈ చిత్రంలో నటించారు. ‘రెడ్’ టైటిల్ తో విడుదలైన ఈ మూవీ కూడా హిట్ అయింది.
