హీరో బాలకృష్ణ తనయుడు మోక్షజ్ఞ.. మహేశ్బాబుకు చెందిన ఏఎంబీ మల్టీప్లెక్స్ థియేటర్లో సందడి చేశారు. దీనికి సంబంధించిన వీడియో సోషల్మీడియాలో తెగ వైరల్ అవుతోంది. ఇది చూసిన అభిమానులు మోక్షజ్ఞ చూసి తెగ సంబరపడిపోతున్నారు.
నటసింహం బాలకృష్ణ వారసుడు మోక్షజ్ఞ ఎంట్రీ ఎప్పుడెప్పుడా అని నందమూరి అభిమానులు చాలా కాలంగా ఎంతో ఆసక్తిగా ఎదురుచూస్తున్నారు. అసలు మోక్షజ్ఞ ఏం చేస్తున్నాడో, ఎప్పుడు ఎంట్రీ ఇస్తాడో అనేది సస్పెన్స్గా మారింది. ఏదో ఎప్పుడో ఓ సారి సోషల్మీడియాలో అలా మెరుపులా మెరిసి వెళ్లిపోతుంటాడు. చివరిసారిగా బర్త్ డే సెలబ్రేషన్స్లో తండ్రితో కలిసి సందడి చేశాడు. ఆ తర్వాత మళ్ళీ ఇప్పుడు థియేటర్లో కనపడ్డారు.
సూపర్ స్టార్ మహేశ్ బాబుకు చెందిన ఏఎంబీ మల్టీప్లెక్స్ థియేటర్లో నందమూరి మోక్షజ్ఞ దర్శనమిచ్చాడు. ఒక్కడే సోలోగా నడుచుకుంటూ వెళ్ళిపోయాడు. దానికి సంబంధించిన వీడియో సోషల్మీడియాలో వైరల్ అవుతోంది. వీడియో చూసిన నందమూరి అభిమానులు.. “యంగ్ లయన్ వస్తోంది చూడండి” అంటూ కామెంట్స్ చేస్తున్నారు.
