తెలుగు సినీ ఇండస్ట్రీలో తొలి చిత్రంతోనే వి’జయం’ అందుకుని ఆ తర్వాత ‘ధైర్యం’గా కెరీర్ను కొనసాగిస్తూ.. ప్రేక్షకుల’దిల్’లో స్థానం సంపాదించుకున్నారు. జయాపజయాలతో సంబంధం లేకుండా వరుసగా సినిమాలు చేస్తూ కెరీర్లో ముందుకెళ్తున్నారు. అయితే కొంతకాలంగా ఆయన ఆశించిన స్థాయిలో సినిమాలు ఆడటం లేదు. రీసెంట్గా ఎన్నో అంచనాలతో థియేటర్లలోకి వచ్చిన మాచర్ల నియోజకవర్గం డిజాస్టర్గా నిలిచింది. నితిన్ను తీవ్రంగా నిరాశపరిచింది. దీంతో ఆయన ఆచితూచి అడుగులు వేస్తున్నారు.
అయితే వాస్తవానికి ప్రేక్షకులు ఎప్పుడూ నితిన్ను ఎప్పుడు హ్యాండ్సమ్ లుక్లోనే చూశారు. కానీ తాజాగా ఆయన లుక్ చూసి షాక్ అయిపోతున్నారు. ఏంటి నితిన్ ఇలా అయిపోయారు? ఇంతలా మారిపోయారు ఏంటి? అని అనుకుంటున్నారు. ఎందుకంటే తాజాగా గుర్తుపట్టలేనంతగా మారిపోయిన నితిన్ కొత్త లుక్ ఒకటి బయటకు వచ్చింది. ఇందులో ఆయన గుబురు గడ్డంతో కనిపించారు. ఇటీవలే సూపర్ స్టార్ కృష్ణ కన్నమూసిన సంగతి తెలిసిందే. ఆయన భౌతికకాయాన్ని సందర్శించేందుకు అభిమానులు సినీప్రముఖులు భారీగా తరలివచ్చారు. ఈ క్రమంలోనే అక్కడికి నితిన్ కూడా వచ్చారు. దీనికి సంబంధించిన ఫొటోలు సోషల్మీడియాలో ట్రెండ్ అయ్యాయి. ఈ ఫొటోల్లోనే నితిన్ గుబురు గడ్డంతో కనిపించి నెటిజన్లను ఆశ్చర్యపరిచారు.
తన కొత్త చిత్రం కోసం ఏదైనా వెరైటీ లుక్ ట్రై చేస్తున్నారా లేక సహజంగానే ఇలా గడ్డం పెంచారా అని చర్చించుకుంటున్నారు. కాగా, నితిన్ ప్రస్తుతం వక్కంతం వంశి దర్శకత్వంలో ఓ యాక్షన్ చిత్రంలో నటిస్తున్నారు. ఈ చిత్రంలో యంగ్ బ్యూటీ శ్రీలీల హీరోయిన్గా నటిస్తోంది. ఈ చిత్రం తర్వాత యువ దర్శకుడు వెంకీ కుడుముల దర్శకత్వంలో మరోసారి నటించబోతున్నట్లు ప్రచారం జరుగుతోంది.
