టాలీవుడ్ హీరోల‌కు స‌మానంగా తెలుగులో క్రేజ్ తెచ్చుకున్న తమిళ నటుడు సూర్య. శివపుత్రుడు, యువ, సింగం సిరీస్‌లతో తెలుగు ప్రేక్షకులకు దగ్గరైన సూర్య.. గజిని మూవీతో టాలీవుడ్ బాక్సాఫీస్‌ను షేక్ ఆడించాడు. ఆ తర్వాత ఇక తన సినిమాలు వరుసగా అటు తమిళ్‌లో ఇటు తెలుగులో రిలీజ్ అవుతూ వస్తున్నాయి. ప్రస్తుతం సూర్యకు సంబంధించి మూడు సినిమాలు సెట్స్‌పై ఉన్నాయి. అందులో శివ దర్శకత్వంలో వస్తోన్న సూర్య42 ఒకటి. ఈ మూవీకి సంబంధించి నెట్టింట ప్రస్తుతం ఓ న్యూస్ వైరల్ అవుతోంది.
పీరియాడిక్‌ డ్రామా నేపథ్యంలో తెరకెక్కుతున్న ఈ సినిమాకు ‘వీర్‌’ అనే టైటిల్‌ను పరిశీలిస్తున్నట్లు టాక్. ఇటీవలే ఈ పేరును నిర్మాతలు రిజిస్టర్‌ చేయించినట్లు తెలుస్తోంది. ఈ టైటిల్‌పై అభిమానులు సంతృప్తిగా లేరిని టాక్. ఇందులో నిజమెంతుందో తెలియాలంటే మరికొన్ని రోజులు ఆగాల్సిందే. దాదాపు రూ.200 కోట్ల బడ్జెట్‌తో తెరకెక్కుతున్న ఈ సినిమా 10 భాషల్లో 3డీలో రూపొందుతుంది. యూవీ క్రియేష‌న్స్‌, స్టూడీయో గ్రీన్ సంస్థ‌లు సంయుక్తంగా నిర్మిస్తున్న ఈ సినిమాకు దేవీ శ్రీ ప్ర‌సాద్ సంగీతం అందిస్తున్నాడు. సూర్యకు జోడీగా బాలీవుడ్‌ బ్యూటీ దిశా ప‌టానీ న‌టిస్తోంది.
