బీఆర్ఎస్ పార్టీని జాతీయ రాజకీయాల్లో క్రియాశీలంగా మార్చడానికి ఆ పార్టీ అధినేత, ముఖ్యమంత్రి కేసీఆర్ తీవ్రంగా శ్రమిస్తున్నారు. పార్టీ ప్రకటించిన రోజు నుంచేమహారాష్ట్రలో కార్యకలాపాలు షురూ చేశారు. ఇక అక్కడి ప్రజలను ఆకట్టుకోవడానికి తరచూ సభలు, సమావేశాలు నిర్వహిస్తున్నారు. ఈ క్రమంలోనే నాగ్పూర్లో బీఆర్ఎస్ ప్రధాన పార్టీ కార్యాలయాన్ని ఏర్పాటు చేశారు. ముఖ్యమంత్రి కేసీఆర్ ఇవాళ పార్టీ కార్యాలయాన్ని ప్రారంభించారు.
అనంతరం పార్టీ కార్యకర్తలతో ముచ్చటించి.. వారిలో జోష్ నింపనున్నారు. ఇతర పార్టీలకు చెందిన పలువురు నాయకులు, సామాజిక కార్యకర్తలు కేసీఆర్ సమక్షంలో పార్టీలో చేరనున్నారు. అందుకు తగిన ఏర్పాట్లను పార్టీ శ్రేణులు పూర్తి చేశారు. ఇప్పటికే దేశవ్యాప్తంగా బీఆర్ఎస్ పార్టీ కార్యాలయాలను ప్రారంభించాలని సీఎం కేసీఆర్ ప్రణాళికలను సిద్ధం చేశారు. అందులో భాగంగానే మొదటగా దిల్లీలో శాశ్వత కార్యాలయం ప్రారంభించగా.. ఆ తర్వాత ఆంధ్రప్రదేశ్లోనూ.. తాజాగా మహారాష్ట్రలోని నాగపూర్లో ప్రారంభించనున్నారు. త్వరలోనే ఇంకా మహారాష్ట్రలోని పుణె, ముంబయి, ఔరంగాబాద్లలో కార్యాలయాల ఏర్పాటుకు సన్నాహకాలు చేస్తున్నారు.
