కాలేజీలో ర్యాంప్ వాక్ చేస్తూ ఓ విద్యార్థిని కుప్పకూలి మృతి చెందిన ఘటన బెంగళూరులో చోటు చేసుకుంది. వెంటనే స్పందించి హాస్పిటల్ కు చేర్చినప్పటికీ ప్రాణాలు కాపాడలేకపోయారు. వివ‌రాల్లోకి వెళ్తే.. బెంగుళూరులోని ఓ కాలేజీలో త్వరలో ప్రేషేర్స్ పార్టీ జరగనుంది.అందుకోసం విద్యార్థులు ప్రాక్టీస్ చేస్తున్నారు. అందులో షాలినీ (21) అనే యువతి కూడా పాల్గొంది. తన వంతు రాగానే ర్యాంప్ వాక్ చేసిన అమ్మాయి.. అనంతరం స్టేజీకి ఓ పక్కన వెళ్లి నిల్చొంది.
తర్వాతి అమ్మాయి ర్యాంప్ వాక్ చేస్తుండగా షాలినీ ఒక్కసారిగా కుప్పకూలింది. దీనితో షాలినిని వెంటనే ఆసుపత్రికి తరలించారు. కానీ ఆమె అప్పటికే మృతి చెందినట్లు వైద్యులు వెల్లడించారు.. ఈఘటన అక్టోబర్ 18 న జరిగింది.. షాలిని చనిపోవడంతో ఆ కళాశాలలో మరియు ఆమె కుటుంబంలో విషాదఛాయలు అలుముకున్నాయి. సమాచారం అందుకున్న పోలీసులు అనుమానాస్పద మృతి కేసు నమోదు చేసుకొని దర్యాప్తు చేస్తున్నారు.
