భారత క్రికెట్ లో రికార్డుల రారాజుగా వెలుగొందుతున్న విరాట్ కోహ్లీకి పాకిస్తాన్ లోను అభిమానులు ఉన్నారు. ఆసియా కప్ లో భాగంగా భారత్ – పాకిస్తాన్ మధ్య జరిగిన మ్యాచ్ చూసేందుకు వచ్చిన పాక్ యువతి కోహ్లీపై తన అభిమానాన్ని చాటారు.
‘విరాట్ కోసమే మ్యాచ్ కి వచ్చా. కోహ్లీ సెంచరీ చేయకపోవడంతో నిరాశ చెందా. నాకు రెండు జట్లు ఒకటే. బాబర్, కోహ్లీలలో ఫేవరెట్ ఎవరంటే కోహ్లీ అనే చెబుతా’ అని ఆ యువతి తెలిపారు. కాగా, ఆసియా కప్-2023లో పాకిస్తాన్ టీం సూపర్-4కు చేరింది. తొలి మ్యాచులో నేపాల్ పై విజయం, నిన్న మ్యాచ్ రద్దు కావడంతో మూడు పాయింట్లు సాధించింది. ఇక రేపు జరిగే భారత్-నేపాల్ మ్యాచులో గెలిచిన టీం సూపర్-4కు క్వాలిఫై అవుతుంది. వర్షం వల్ల మ్యాచ్ రద్దు అయితే భారత్ సూపర్-4 కు చేరుతుంది.
