మలయాళ సూపర్ స్టార్ మమ్ముట్టి పుట్టిన రోజు ఇవాళ. ఈ సందర్భంగా సోషల్ మీడియాలో ప్రముఖులు, అభిమానులు ఆయనకు శుభాకాంక్షలు చెబుతున్నారు. నెట్టింట మమ్ముట్టి బర్త్ డే హ్యాష్ ట్యాగ్స్ వైరల్ అవుతున్నాయి. అయితే తన తండ్రి పుట్టిన రోజు సందర్భంగా మమ్ముట్టికి హీరో దుల్కర్ సల్మాన్ స్పెషల్ విషెస్ చెప్పారు. తన తండ్రి అంటే ఎంత ఇష్టమో చెబుతూ ఎమోషనల్ పోస్టు చేశారు. ప్రస్తుతం ఈ పోస్టు నెట్టింట వైరల్ అవుతోంది.
‘నేను చిన్నతనంలో ఉన్నప్పుడు పెద్దయ్యాక నీలాంటి వ్యక్తిగా మారాలనుకున్నా. నేను మొదటిసారి కెమెరా ముందుకు వచ్చినప్పుడు నీలాంటి గొప్ప నటుడిని కావాలనుకున్నా. ఇక నేను నాన్న అయ్యాక.. నువ్వు ఓ తండ్రిగా నాకోసం ఏదైతే చేశావో అవన్నీ చేయాలనుకున్నా. కానీ, ఏదో ఓ రోజు నువ్వు సాధించిన దానిలో సగం సాధించినా చాలనుకుంటున్నా నాన్న. మీకు పుట్టినరోజు శుభాకాంక్షలు. మీరు ఎప్పటికీ ఇలాగే ప్రపంచం మొత్తానికీ వినోదాన్ని పంచుతూ ఎంతోమందికి స్ఫూర్తినివ్వండి’ అంటూ మమ్ముట్టితో దిగిన ఫొటోలను పంచుకున్నారు.
View this post on Instagram
