ఇండియా ప్రస్తుతం ఆసియా కప్ లో ఆడుతోంది. ఈ టోర్నీలో పాల్గొన్న ఆరు జట్లలో రెండు ఎలిమినేట్ కాగా, మిగిలిన నాలుగు జట్లు టైటిల్ కోసం పోరాడనున్నాయి. ఇక ఆసియ కప్ లో ఇండియా పాకిస్తాన్ తో ఆదివారం తలపడనుంది. ఇండియా ఇప్పటికే ఆడిన పాకిస్తాన్ తో మ్యాచ్ కాస్త వర్షం కారణంగా రద్దవడంతో అభిమానులు ఈ హోరాహోరీ పోరును చూడలేకపోయారు. ఇక ఆదివారం జరగనున్న మ్యాచ్ లో మాత్రం డబల్ బొనంజా లాగా రెట్టించిన ఎంటర్టైన్మెంట్ ఉంటుందని తెలుస్తోంది. ఈ మ్యాచ్ లో గాయంతో గత రెండు మ్యాచ్ లకు దూరం అయిన స్టార్ ప్లేయర్స్ కే ఎల్ రాహుల్ ను తుది జట్టులోకి తీసుకోవడానికి జట్టు యాజమాన్యం భావిస్తోంది. ఇక రాహుల్ సైతం నెట్స్ లో చాలా శ్రమిస్తున్నాడు. ఇక రాహుల్ ఆగమనంతో శ్రేయాస్ అయ్యర్ ను పక్కన పెట్టే ఆలోచనలో టీం ఇండియా యాజమాన్యం ఆలోచిస్తోంది.
ఇక శ్రేయాస్ అయ్యర్ ను పక్కన పెట్టడం న్యాయమే అంటున్నారు సీనియర్ క్రికెటర్లు. ఎందుకంటే జరిగిన ఒక్క మ్యాచ్ లో బ్యాటింగ్ సరిగా చేయకపోగా, ఫీల్డింగ్ లో ఘోరంగా విఫలం అయ్యాడు. అందుకే ఇతన్ని పక్కన పెట్టడానికి ఎక్కువగా మొగ్గు చుపిస్తునారు.
