టాలీవుడ్ సీనియర్ నటి రాధ కూతురిగా ఇండస్ట్రీలోకి అడుగుపెట్టింది కార్తిక నాయర్. జోష్ సినిమాతో నాగచైతన్య సరసన టాలీవుడ్లోకి ఎంట్రీ ఇచ్చింది. ఆ తర్వాత దమ్ము, బ్రదర్ ఆఫ్ బొమ్మాళీ, రంగం వంటి పలు సినిమాల్లో నటించింది. సినిమా బ్యాక్గ్రౌండ్తో ఎంట్రీ ఇచ్చినా.. ఈ భామకు అంతగా అవకాశాలు మాత్రం రాలేదు. ఆ తర్వాత తెలుగు తెరపై కనుమరుగైపోయింది. అయితే సోషల్ మీడియాలో మాత్రం యాక్టివ్గానే ఉంటుంది ఈ భామ.
ఇటీవలే ఈ బ్యూటీ తన నిశ్చితార్థం ఫొటోలు పోస్టు చేసి ఫ్యాన్స్కు షాక్ ఇచ్చింది. తాజాగా తనకు కాబోయే భర్త రోహిత్‌ మేనన్‌ను పరిచయం చేస్తూ మరో పోస్టు పెట్టింది కార్తిక. ప్రస్తుతం ఈ ఫొటోలు నెట్టింట వైరల్ అవుతున్నాయి. ఈ ఫొటోలు చూసిన నెటిజన్లు ఈ జంటకు శుభాకాంక్షలు చెబుతున్నారు. జంట బాగుందంటూ కామెంట్లు పెడుతున్నారు.
ఈ ఫొటోలు నెట్టింట పోస్టు చేసిన కార్తిక.. వాటి కింది.. ‘‘నిన్ను కలవడం అనేది విధి.. నిన్ను ఇష్టపడటం ఒక మ్యాజిక్‌.. మన జీవన ప్రయాణం మొదలుపెట్టడానికి కౌంట్‌డౌన్‌ ప్రారంభించా’’ అని క్యాప్షన్ రాసుకొచ్చింది.
