నేడు కాంగ్రెస్ పార్టీలో వైఎస్ షర్మిల పెట్టుకున్న వైఎస్ఆర్ తెలంగాణ పార్టీ (వైఎస్ఆర్టీపీ) విలీనం కానుంది. ఇవాళ ఉదయం 10.30 గంటలకు ఏఐసీసీ ప్రధాన కార్యాలయంలో పార్టీ అధ్యక్షుడు మల్లకార్జున ఖర్గే, రాహుల్ గాంధీ సమక్షంలో కాంగ్రెస్ పార్టీలో విలీనం చేయనున్నారు వైఎస్ షర్మిల. అంతేకాదు… ఈ రోజే కాంగ్రెస్ పార్టీలో చేరనున్నారు షర్మిల. ఈ మేరకు వైఎస్ షర్మిల, మంగళగిరి ఎమ్మెల్యే ఆర్కేఇద్దరూ.. ఇప్పటికే ఢిల్లీకి చేరుకున్నారు.
వైఎస్ షర్మిలతో పాటు.. మంగళగిరి ఎమ్మెల్యే ఆర్కే కూడా ఈ రోజే కాంగ్రెస్ పార్టీలో చేరనున్నారు. “వై.ఎస్.ఆర్ తెలంగాణ పార్టీ” విలీన కార్యక్రమంలో ఏపిసిసి అధ్యక్షుడు గిడుగు రుద్రరాజు, ఏపి కాంగ్రెస్ ఇంచార్జ్ మాణిక్యం ఠాగోర్ పాల్గొంటారు. ఇక కాంగ్రెస్ పార్టీలో వై.ఎస్. షర్మిల రెడ్డి నిర్వహించబోయే భాద్యతలపై అతి త్వరలోనే స్పష్టత రానుంది. “స్టార్ కాంపైనర్” గా పార్టీ ప్రచార భాద్యతలు చేపట్టే అవకాశం ఉంది.
