బిజెపి నేత ఈటల రాజేందర్… కాంగ్రెస్ పార్టీలో చేరబోతున్నట్లు సమాచారం అందుతుంది. ఇందులో భాగంగానే తాజాగా కాంగ్రెస్ పార్టీ నేతలతో ఈటెల రాజేందర్ సమావేశం అయ్యారు. నిన్న పట్నం మహేందర్ రెడ్డి కాంగ్రెస్ పార్టీలో చేరిన సంగతి తెలిసిందే. ఆయనతోపాటు బొంతు రామ్మోహన్, పట్నం మహేందర్ రెడ్డి సతీమణి, తీగల కృష్ణారెడ్డి లాంటి కీలక నేతలు గులాబీ పార్టీని వీడి కాంగ్రెస్ పార్టీలో చేరారు.
అయితే గులాబీ పార్టీ నుంచి బయటకు వచ్చిన పట్నం మహేందర్ రెడ్డి తో మైనంపల్లి హనుమంతరావు సమావేశం అయ్యారు. ఈ సందర్భంగా పట్నం మహేందర్ రెడ్డికి మంచి ట్రీట్ ఇచ్చారు మైనంపల్లి హనుమంతరావు. అయితే వీరి పార్టీకి ఈటల రాజేందర్ కూడా హాజరయ్యారు. దీంతో ఈటల రాజేందర్ త్వరలోనే కాంగ్రెస్ పార్టీలో చేరబోతున్నట్లు సోషల్ మీడియాలో వార్తలు వస్తున్నాయి. అంతేకాదు కరీంనగర్ ఎంపీగా కూడా కాంగ్రెస్ పార్టీ తరఫున పోటీ చేస్తారని తెలుస్తోంది.
