అమెరికా లాస్ ఏంజిల్స్లోని డాల్బీ థియేటర్లో 96వ ఆస్కార్ అవార్డ్స్ అట్టహాసంగా జరుగుతోంది. ఈ పురస్కారాల్లో ఓపెన్హైమర్ సినిమా తన హవా సాగించింది. విడుదలైనప్పటి నుంచి ఈ చిత్రం ప్రపంచ సినీ చరిత్రలోని రికార్డులన్నింటిని ఒక్కొక్కటిగా తిరగరాస్తున్న విషయం తెలిసిందే. ఇక తాజాగా ఆస్కార్ అవార్డుల్లో ఈ సినిమా ఏకంగా 7 కేటగిరీల్లో పురస్కారాలు సొంతం చేసుకుంది.
96వ ఆస్కార్ అవార్డుల్లో హలీవుడ్ హీరో కిలియన్‌ మర్ఫీ ఉత్తమ నటుడిగా గెలుపొందారు. ఓపెన్ హైమర్ సినిమాలో ఆయన నటనకుగాను మర్ఫీకి ఈ అవార్డు లభించింది. ఓపెన్ హైమర్ దర్శకుడు క్రిస్టోఫర్‌ నోలన్‌ బెస్ట్ డైరెక్టర్ అవార్డ్.. ఎమ్మా స్టోన్‌ (పూర్‌ థింగ్స్‌)కు ఉత్తమ నటి అవార్డు వరించింది. ఓపెన్ హైమర్ సినిమా ఉత్తమ చిత్రం అవార్డు కూడా అందుకుంది. అంతే కాకుండా మొత్తం 7 కేటగిరీల్లో ఓపెన్ హైమర్ సినిమా అవార్డులు గెలుచుకుంది.
ఓపెన్ హైమర్ మూవీ గెలుచుకున్న 7 కేటగిరీలు ఇవే
ఉత్తమ చిత్రం
ఉత్తమ దర్శకుడు
ఉత్తమ నటుడు
ఉత్తమ సహాయ నటుడు
బెస్ట్ ఒరిజినల్ స్కోర్
బెస్ట్ సినిమాటోగ్రఫీ
బెస్ట్ ఫిల్మ్ ఎడిటింగ్
