నేడు ఏపీలో ప్రధాని మోడీ పర్యటించనున్నారు. చిలకలూరిపేట బహిరంగ సభలో పాల్గొననున్నారు మోడీ. టిడిపి, జనసేన ,బిజెపి ఉమ్మడి పార్టీల ఆధ్వర్యంలో జరగనున్న ప్రజాగళం బహిరంగ సభ లో పాల్గొననున్నారు ప్రధానమంత్రి మోడీ. ఇవాళ సాయంత్రం నాలుగు గంటలకు ఆంధ్ర ప్రదేశ్‌ రాష్ట్రానికి చేరుకోనున్న ప్రధాని నరేంద్ర మోడీ …ఢిల్లీ నుంచి గన్నవరం వరకు ప్రత్యేక విమానంలో, అక్కడి నుండి ప్రత్యేక హెలికాప్టర్లలో బొప్పూడి చేరుకోనున్నారు.
ఇవాళ సాయంత్రం 6 వరకు చిలకలూరిపేట బొప్పూడి బహిరంగ సభలో పాల్గొనున్న ప్రధాని మోడీ…కీలక వ్యాఖ్యలు చేసే ఛాన్స్‌ ఉంది. ఇక ప్రధానమంత్రి పర్యటన సందర్భంగా సభా వేదిక వద్ద ఐదు హెలికాప్టర్లు ల్యాండ్ అయ్యేందుకు ఏర్పాటు చేశారు అధికారులు. ప్రత్యేక హెలిపాడ్ల తో పాటు రాత్రి సమయంలో కూడా ప్రయాణించే అత్యాధునిక యుద్ధ హెలికాప్టర్లు సిద్ధం చేశారు అధికారులు. ప్రజాగలం సభలో ఉమ్మడి రాజకీయ ప్రణాళికను ప్రజలకు వివరించనున్నారు ప్రధానమంత్రి నరేంద్ర మోడీ ,టిడిపి అధినేత చంద్రబాబు నాయుడు, జనసేనాని పవన్ కళ్యాణ్.
