మ్యాన్ ఆఫ్ మాసెస్ జూనియర్ ఎన్టీఆర్, కొరటాల శివ కాంబోలో తెరకెక్కుతున్న లేటెస్ట్ మూవీ ‘దేవర’.ఈ చిత్రం షూటింగ్ శరవేగంగా సాగుతోంది.ఈ సినిమాలో జాన్వీ కపూర్ కథానాయికగా న‌టిస్తుంది విషయం తెలిసిందే. సైఫ్ అలీఖాన్ విలన్ పాత్రలో నటిస్తున్నాడు. ఇక ఈ చిత్రాన్ని రెండు పార్ట్ లుగా విడుదల చేయనున్నట్లు తెలుస్తోంది. ఎన్టీఆర్ ఆర్ట్స్, యువసుధ ఆర్ట్స్ మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ సంయుక్తంగా నిర్మిస్తున్నారు.
అక్టోబర్ 10న దేవర సినిమా రిలీజ్ చేయడానికి నిర్మాతలు సన్నాహాలు చేస్తున్నారు. అయితే ఇదే రోజున రజనీకాంత్ హీరోగా నటిస్తున్న ‘వెట్టయాన్’ సినిమా థియేటర్లలోకి వచ్చే అవకాశముంది. ఈ విషయాన్ని రజనీయే స్వయంగా వెల్లడించారు. దీంతో అదే రోజు రిలీజ్ కానున్న ఎన్టీఆర్ ‘దేవర’కు ఈ మూవీ పోటీగా మారింది. అయితే దేవర రిలీజ్ డేట్ సెప్టెంబర్ 27కు మారనున్నట్లు ప్రచారం జరుగుతోంది. ఒకవేళ రిలీజ్ డేట్ మారకుంటే అక్టోబర్ 10న బాక్స్ ఆఫీస్ వద్ద రజనీకాంత్, ఎన్టీఆర్ సినిమాల మధ్య పోటీ చూడవచ్చు.
