తెలంగాణ సీఎం రేవంత్ రెడ్డి శుక్రవారం (నవంబర్ -8) తేదీన తన 55వ పుట్టిన రోజు వేడుకలను జరుపుకోనున్నారు. ఈ నేపథ్యంలోనే రాష్ట్ర వ్యాప్తంగా ఉన్న కాంగ్రెస్ శ్రేణులు ఆయనకు వినూత్నంగా పుట్టిన రోజు శుభాకాంక్షలు చెప్పేందుకు సిద్ధమయ్యారు. ఈ క్రమంలోనే సీఎం రేవంత్ రెడ్డి జన్మదినాన్ని పురస్కరించుకుని ఒడిశాలోని పూరీ సముద్ర తీరంలో సైకత శిల్పం ఆవిష్కరించి.. ఫిషరీస్ కార్పొరేషన్ చైర్మన్ మెట్టు సాయి కుమార్ తన అభిమానాన్ని చాటుకున్నారు.
ఈ అద్భుత దృశ్యాన్ని సోషల్ మీడియాలో పోస్టు చేయగా అది కాస్త వైరల్‌గా మారింది. ఇదిలాఉండగా, సీఎం రేవంత్ తన పుట్టినరోజు సందర్భంగా కుటుంబ సమేతంగా యాదాద్రి ఆలయానికి వెళ్లి శ్రీ లక్ష్మీనరసింహస్వామి వారి దర్శనం చేసుకోనున్నారు. అనంతరం భువనగిరి అసెంబ్లీ నియోజకవర్గం పరిధిలోని వలిగొండ మండలంలో మూసీ పునర్జీవంపై రైతులతో మాట్లాడి వారి సందేహాలను నివృత్తి చేయనున్నారు.
 తేదీన తన 55వ పుట్టిన రోజు వేడుకలను జరుపుకోనున్నారు. ఈ నేపథ్యంలోనే రాష్ట్ర వ్యాప్తంగా){kind=link}