కబోదుల్లారా.. కళ్లు తెరిచి ఇప్పటికైనా కాళేశ్వరాన్ని చూడండి అని మాజీ మంత్రి, బీఆర్ఎస్ నేత హరీశ్ రావు పేర్కొన్నారు. కాళేశ్వరం ప్రాజెక్టులో భాగమైన రంగనాయక సాగర్ నిండుకుండలా మారిందని చెబుతూ దీనికి సంబంధించిన దృశ్యాలను బీఆర్ఎస్ పార్టీ ట్విట్టర్ వేదికగా పోస్ట్ చేసింది. దీనిపై స్పందించిన సిద్దిపేట ఎమ్మెల్యే హరీశ్ రావు కీలక వ్యాఖ్యలు చేశారు.
వందలాది కిలోమీటర్లు ప్రయాణించి.. రంగనాయక సాగర్ కు చేరిన గోదావరి గంగ అని.. ఇది కాళేశ్వరం సృష్టించిన అపురూప దృశ్యం.. అద్భుత జల సౌందర్యం.. అని కీర్తించారు. అలాగే కాళేశ్వరాన్ని బద్ నాం చేస్తున్న కబోదుల్లారా.. కళ్లు తెరిచి ఈ సుందరమైన దృశ్యాన్ని వీక్షించండి అని కాళేశ్వరం తెలంగాణ ప్రాణధార అనే సత్యాన్ని చెరిపేయలేమని గుర్తించండి అని వ్యాఖ్యానించారు హరీశ్ రావు.
