జైలు జీవితం అంటే చేసిన తప్పుకు పశ్చాత్తాప పడి మనిషిలో ఉన్న కృరత్వాన్ని, చెడు ఆలోచనలు నాశనం చేసేదిలా ఉండాలి. పచ్చనిచెట్లు, మానసిక ప్రశాంతతో గడపుతారు. కానీ ఇప్పుడు చెప్పుకోబోయే జైలు అంటే నరక కూపమే. ఆఫ్రికాలోని గీతారామ జైలులో ఖైదీలను చనిపోయేంత స్థాయిలో కొడతారు. దీనిని భూమిపై నరకం అంటారు. సిరియాలోని టాడ్మోర్ సైనిక జైలులో గార్డులు ఖైదీలను లెక్కలేనన్ని సార్లు కొరడాతో కొడతారట. తాడుతో కట్టి ఉరివేస్తుంటారు. చిత్రహింసలతో విసిగిపోయిన ఖైదీలు స్వయంగా మరణాన్ని వేడుకుంటారు. కొన్ని చోట్ల ఖైదీలను శవాల మధ్య ఉంచుతారు. అయితే బ్రెజిల్‌లోని ఓ జైలులోని ఖైదీలు ఇతర ఖైదీల కళ్ళు, హృదయాలను బయటకు తీసిన బలవంతంగా జైలర్‌కు తినిపించిన ఘటనలు కూడా ఉన్నాయి. ఈ జైలు గురించి ఇంకా ఆందోళన కలిగించే విషయాలు చాలా ఉన్నాయి..
బ్రెజిల్‌లోని చాలా జైళ్లలో మాదక ద్రవ్యాల స్మగ్లర్ల సైన్యం ఉంది. వారు తరచూ ఘర్షణ పడుతుంటార. అయితే 2017లో ఇక్కడ అనేక జైళ్లలో రెండు గ్రూపుల ఖైదీలు పరస్పరం ఘర్షణ పడ్డారు. అల్టామిరా జైలులో ప్రైమిరో కమాండో డా క్యాపిటల్(Primeiro Comando da Capital) మరియు కమాండో వెర్మెల్హో(Comando Vermelho)గ్రూప్‌లు ఒకరిపై ఒకరు దాడి చేసుకున్నారు. 57 మంది ఖైదీలు హత్యకు గురయ్యారు. అనిసియో జైలులో నలుగురు జైలు అధికారులు కూడా ప్రాణాలు కోల్పోయారు. బ్రెజిల్ చరిత్రలో ఇది అత్యంత హింసాత్మకమైన ఊచకోతగా పేర్కొంటారు.
అధికారులు తెలిపిన వివరాల ప్రకారం.. డ్రగ్స్ వ్యాపారంపై జైలులో గొడవ మొదలైంది. కానీ ఒక ముఠాలోని ఖైదీలు చాలా పిచ్చిగా మారారు, వారు ఇతర ముఠాలోని 13 మంది ఖైదీల కళ్లను లాగేసారు. 2 ఖైదీల హృదయాలను బయటకు లాగారు. ఖైదీలు కూడా అప్పటి జైలర్‌కి బలవంతంగా ఒక కన్ను తినిపించారు. ఇక్కడ నలుగురు అధికారులు కూడా చనిపోయారు. అల్టామిరా జైలులో 39 మంది శిరచ్ఛేదం చేశారు. అన్నీ ఖైదీలకు చెందినవే. ఇతర ముఠా సభ్యులు ఖైదీల సెల్‌లకు నిప్పు పెట్టారు. ఖైదీలను పాత కంటైనర్ యూనిట్లలో ఉంచడంతో మంటలు వేగంగా వ్యాపించాయి. ఆయుధాల నుంచి కాల్పుల వరకు జైలు మొత్తాన్ని తమ ఆధీనంలోకి తీసుకోవాలనుకున్నారు. అప్పుడే భద్రతా సిబ్బంది అక్కడికి చేరుకోవడంతో పరిస్థితి సద్దుమణిగింది.
బ్రెజిల్‌లోని దాదాపు అన్ని జైళ్లు ప్రపంచంలోకెల్లా అత్యంత ప్రమాదకరమైనవిగా పరిగణించబడుతున్నాయి. ఇక్కడ ప్రతి జైలులో కెపాసిటీ కంటే ఎన్నో రెట్లు ఎక్కువ ఖైదీలను ఉన్నారు. వీరిలో డ్రగ్స్ మాఫియా, డ్రగ్స్ బానిసలే ఎక్కువ. అందుకే తరచూ గొడవలు జరుగుతున్నాయి. 1992లో, సావో పాలో జైలులో భారీ అల్లర్లు జరిగాయి. 100 మందికి పైగా ఖైదీలు చంపబడ్డారు. ఇక్కడ ఖైదీలు తరచూ జైలర్‌ను బందీగా తీసుకుంటారు. భద్రతా సిబ్బంది వారిని వేరు చేస్తారు.
