మీరు ఏదైనా వ్యాపారం చేసే ఆలోచన ఉంటే.. ఒకసారి ఈ బిజినెస్‌ ఐడియా వైపు చూడండి. దీనిలో రిస్క్‌ తక్కువ.లాభం ఎక్కువగా ఉంటుంది. ఇండియాలో ఆధార్ కార్డు లేనిదే పెళ్లి కూడా చేసుకోలేరు అంటే అతిశయోక్తి కాదు. అంత ముఖ్యమైనది అయిపోయింది. బతికే ఉన్నాం అని చూపించడానికి చచ్చిపోయాం అని చెప్పడానికి కూడా ఆధార్ కార్డునే వాడేస్తున్నారు. ఈ క్రమంలో ఆధార్‌తో ఎప్పుడూ ఏదో ఒక అప్డేట్ చేయాల్సి వస్తుంది. ఆధార్‌కు పాన్‌ లింక్‌ అంటారు, రేషన్ కార్డు లింక్‌ అంటారు. ఇలా చాలా ఉంటాయి.. మీరు ఆధార్ సెంటర్ పెడితే.. వైన్స్ ముందు జనాలు ఎప్పుడూ ఉన్నట్లు మీ షాప్‌ కూడా జనాలతో కళకళలాడిపోతుంది. ఆధార్ కార్డ్ కేంద్రాన్ని తెరవడం ద్వారా వేలల్లో సంపాదించవచ్చు. దానికి ముందేం చేయాలో చూద్దామా..!
UIDAI సర్టిఫికేట్ తీసుకోవాలి..
గ్రామీణ, పట్టణ ప్రాంతాల్లో ఆధార్ కేంద్రాలను తెరవడం ద్వారా మంచి ఆదాయాన్ని పొందవచ్చు. ఆధార్ సేవా కేంద్రం కింద ఆధార్ కార్డుకు సంబంధించిన అనేక పనులు ఉన్నాయి. ఆన్‌లైన్‌లో ఆధార్ కార్డ్ కోసం దరఖాస్తు చేసుకోవడం, ఆధార్‌లో ఇచ్చిన సమాచారాన్ని మార్చడం, ఆధార్ ప్రింట్ అవుట్ తీసుకోవడం, అప్డేట్ చేయడం, బయోమెట్రిక్స్ అప్డేట్ చేయడం వంటి అనేక అంశాలు ఇందులో ఉన్నాయి. ఆధార్ కార్డ్ సెంటర్‌ను తెరవడానికి లైసెన్స్ తీసుకోవాలి. ఆధార్ కేంద్రాన్ని తెరవాలనుకుంటే, UIDAI పరీక్షలో ఉత్తీర్ణత సాధించాలి. పరీక్షలో ఉత్తీర్ణత సాధించిన తర్వాత UIDAI సర్టిఫికేట్ అందుతుంది. సర్టిఫికేట్ ఉత్తీర్ణత సాధించిన తర్వాత, కామన్ సర్వీస్ సెంటర్ (CSC) లో దరఖాస్తు చేసుకోవాలి.
ఆధార్ కార్డ్ కేంద్రాన్ని తెరవడానికి అవసరమైన పత్రాలు
పరికరాలు.
బేస్ ఆపరేటర్ సర్టిఫికేట్
ఆధార్ కార్డ్ క్రెడెన్షియల్ ఫైల్
స్కానర్ వెబ్ కెమెరా ప్రింటర్ ల్యాప్‌టాప్ లేదా డెస్క్‌టాప్
ఆధార్ సేవా కేంద్రం తెరవాలంటే ఉండాల్సిన అర్హత..
ఆధార్ కేంద్రాన్ని తెరవాలంటే కనీసం మెట్రిక్యులేషన్ ఉండాలి. కనీస వయస్సు 18 సంవత్సరాలు ఉండాలి. కేంద్రాన్ని ప్రారంభించే వ్యక్తికి కంప్యూటర్ పరిజ్ఞానం ఉండాలి. ఆధార్ కేంద్రాన్ని ఎలా తెరవాలి? ముందుగా అధికారిక వెబ్‌సైట్ https://uidai.gov.in/en/ పై క్లిక్ చేయండి. దీని తర్వాత My Aadhaarకి వెళ్లి, అక్కడ మీ ఆధార్ ట్యాబ్‌పై క్లిక్ చేయండి. అక్కడ ఆధార్ ఎన్‌రోల్‌మెంట్‌పై క్లిక్ చేయండి. దీని తర్వాత కొత్త పేజీ తెరుచుకుంటుంది. అక్కడ నమోదు ఏజెన్సీపై క్లిక్ చేయాలి. దీని తర్వాత, వివిధ ఆధార్ కార్డ్ ఏజెన్సీలను అందించే కంపెనీల జాబితా ఇక్కడ కనిపిస్తుంది. మీరు ఆధార్ కార్డ్ ఏజెన్సీని తీసుకోవాలనుకుంటున్న కంపెనీని తనిఖీ చేసిన తర్వాత, దానిపై క్లిక్ చేయండి. దీని తర్వాత, మీరు ఎంచుకున్న కంపెనీని దాని నంబర్‌లో సంప్రదించాలి. సంప్రదించిన తర్వాత, ఆ సంస్థ ఇచ్చిన దశలను పూర్తి చేయండి.
ఈ విధంగా మీరు ఆధార్ కార్డ్ ఏజెన్సీని పొందుతారు. ఆధార్ కార్డ్ సెంటర్ ఫ్రాంచైజీని తీసుకోవడం ద్వారా సంపాదించడానికి మంచి అవకాశం ఉంది. ఆధార్ కేంద్రాన్ని తెరవడం ద్వారా రూ.30000 నుంచి రూ.35000లు సులభంగా సంపాదించవచ్చు. అయితే ఈ సెంటర్‌కి ఎంత మంది కస్టమర్లు వస్తే అంత ఎక్కువ ఆదాయం వస్తుంది. మీరు ఏ ప్రాంతంలో సెంటర్ పెట్టారు, ఎంత త్వరగా పనిచేస్తున్నారు అన్నదాన్నిబట్టి ఇది ఆధారపడి ఉంటుంది.
