విజయ్ సేతుపతి, త్రిష జంటగా ప్రేం కుమార్ డైరక్షన్ లో వచ్చిన సినిమా 96. చిన్న సినిమాగా రిలీజై అఖండ విజయం సాధించిన ఈ మూవీని రిలీజ్ ముందే దిల్ రాజు రీమేక్ రైట్స్ కొనేశాడు. తెలుగులో సినిమా తీయడం పెద్ద సాహసమే అని చెబుతున్నా దిల్ రాజు మాత్రం పట్టువీడకుండా సినిమాను సెట్స్ మీదకు తీసుకెళ్తున్నాడు. తెలుగులో ఈ సినిమాలో శర్వానంద్, సమంత జంటగా నటిస్తున్నారు.
అయితే ఇక్కడ విశేషం ఏంటంటే 96 తమిళ మూవీలో హీరో హీరోయిన్ చిన్ననాటి పాత్రలకు మంచి స్కోప్ ఉంది. ఆ పాత్రలు కూడా ఆడియెన్స్ కు బాగా కనెక్ట్ అయ్యాయి. అందుకే విజయ్, త్రిషల పాత్రలతో పాటుగా ఆదిత్యా భాస్కర్, గౌరీ కిషన్ లు నటించారు. అయితే తెలుగులో ఈ పాత్రలను ఎవరు చేస్తారన్నది పెద్ద టాస్క్ అందుకే దిల్ రాజు శర్వానంద్, సమంతల టీనేజ్ పాత్రల కోసం కాస్టింగ్ కాల్ పెట్టాడు. 14 నుండి 20 సంవత్సరాలు మధ్యలో ఉన్న వారు ఈ కాస్టింగ్ కాల్ లో పాల్గొనవచ్చు. శర్వానంద్, సమంతల పోలికలు ఉంటే మాత్రం లక్ అని చెప్పొచ్చు. మరి దిల్ రాజుకి ఇది పెద్ద టాస్కే కాగా 96 తెలుగు రీమేక్ ఏం చేస్తాడో చూడాలి.
