ఎప్పుడో వచ్చిన ‘అ ..ఆ’ సినిమా తర్వాత మళ్ళీ ఇన్నాళ్ళకి భీష్మ సినిమాతో సక్సెస్ అందుకున్నాడు యంగ్ హీరో నితిన్. ఈ ఉత్సాహంతోనే వెంకీ అట్లూరి దర్శకత్వం లో
తెరకెక్కుతున్న రంగ్ దే సినిమాలో నటిస్తున్నాడు. ఈ సినిమాలో నితిన్ కి జంటగా మహానటి ఫేం కీర్తి సురేష్ హీరోయిన్ గా నటిస్తుంది. మెగా ప్రిన్స్ వరుణ్ తేజ్ తో తీసిన తొలిప్రేమ సినిమాతో హిట్ ఇండస్ట్రీ దృష్ఠిని ఆకర్షించాడు వెంకీ అట్లూరి. కాని ఆ తర్వాత అఖిల్ తో తీసిన మిస్టర్ మజ్ను తో ఫ్లాప్ పడింది. దాంతో ఈ సారి నితిన్ తో తీస్తున్న రంగ్ దే సినిమాతో గట్టి హిట్టు కొట్టాలని కసితో ఉన్నాడు ఈ కుర్ర దర్శకుడు. రీసెంట్ గా రిలీజ్ చేసిన ఫస్ట్ లుక్ చూస్తుంటే నిజంగానే ఈ డైరెక్టర్ హిట్ ఇస్తాడన్న భావన కలుగుతుంది.
ఇక ఈ సినిమా తర్వాత నితిన్ భవ్య ఆర్ట్స్ క్రియేషన్స్ లో ఒక సినిమా చేయబోతున్నాడు. ఈ సినిమాలో హీరోయిన్ గా రకుల్ ప్రీత్ సింగ్ ను సెలెక్ట్ చేసుకున్నట్టు తాజా సమాచారం. రకుల్ ప్రీత్ సింగ్ మన్మధుడు 2 ఫ్లాప్ అవడం తో మళ్ళీ తెలుగు సినిమాలో కనిపించలేదు. కానీ బాలీవుడ్ లో ఒక సినిమా అలాగే శంకర్ – కమల్ హాసన్ ల ఇండియన్ 2 లో నటిస్తోంది.
అయితే టాలీవుడ్ లో అనూహ్యంగా నితిన్ సినిమాలో అవకాశం రావడం తో రకుల్ ఉబ్బి తబ్బిబ్బవుతుందట. దాదాపు సంవత్సరం నుండి మంచి ఛాన్స్ కోసం ఎదురు చూస్తున్న రకుల్ కి ఇది గోల్డెన్ ఛాన్స్ అని చెప్పాలి. ఈ సినిమా గనక హిట్ అయితే ఇక రకుల్ కి మళ్ళీ టాలీవుడ్ లో వరసగా అవకాశాలు వస్తాయని ప్రత్యేకంగా చెప్పనవసరం లేదు. మొత్తానికి ఎవరు పట్టించుకోక పోయినా నితిన్ రకుల్ ని ఆదుకున్నాడనమాట.
