అల్లు అర్జున్ హీరోగా మాటల మాంత్రికుడు త్రివిక్రమ్ దర్శకత్వంలో వచ్చిన చిత్రం అల వైకుంఠపురంలో. సంక్రాంతి కానుకగా ప్రేక్షకుల ముందుకి వచ్చిన ఈ చిత్ర౦ ఆదివారం ప్రపంచ వ్యాప్తంగా విడుదలైంది. నా పేరు సూర్యా ఫ్లాప్ తర్వాత అల్లు అర్జున్ చేసిన ఈ చిత్రానికి మంచి టాక్ వచ్చింది. త్రివిక్రం, బన్ని ఇద్దరు హ్యాట్రిక్ కొట్టారని అంటున్నారు ప్రేక్షకులు.
ఈ సినిమా అటు మాస్ ఇటు క్లాస్ ని ఆకట్టుకుందని,త్రివిక్రమ్ మార్క్ దర్శకత్వం ఫాన్స్ తో పాటు సాధారణ ప్రేక్షకులకు కూడా నచ్చిందని అంటున్నారు. భారీ అంచనాలతో వచ్చిన ఈ సినిమాకు విశేష స్పందన రావడంతో చిత్ర యూనిట్ ఫుల్ జోష్ లో ఉంది. రెండు తెలుగు రాష్ట్రాలతో పాటుగా ప్రపంచ వ్యాప్తంగా విడుదలైన ఈ సినిమాకు అటు విదేశాల్లో కూడా మంచి ఆదరణ వచ్చింది. అన్ని వర్గాల ప్రేక్షకులను ఈ సినిమా విశేషంగా ఆకట్టుకుంది అంటున్నారు.
ప్రతీ సీన్ కూడా జాగ్రత్తగా తెరకెక్కించారని, ఎక్కడా కూడా సినిమా బోర్ కొట్టలేదని అంటున్నారు. జులాయి, సన్ ఆఫ్ సత్యమూర్తి సినిమాల తర్వాత త్రివిక్రమ్, బన్ని కాంబినేషన్ లో వచ్చిన ఈ సినిమాలో పాటలు కూడా హైలెట్ గా నిలిచాయి. ముఖ్యంగా యాక్షన్ సన్నివేశాల్లో అల్లు అర్జున్ నటన విశేషంగా ఆకట్టుకుంది. అటు త్రివిక్రమ్ కూడా తన మార్క్ పంచ్ లతో ఫాన్స్ ని ఖుషీ చేసాడు.
