బాలీవుడ్ బిగ్ బీ అమితాబ్ బచ్చన్ గురించి సినీ ప్రేక్షకులకు ప్రత్యేకంగా చెప్పనక్కర్లేదు. దేశవ్యాప్తంగా ఆయనకు ఉన్న గుర్తింపు అటువంటిది. నటదిగ్గజం అయిన బీ టౌన్ మెగాస్టార్ సినిమా వచ్చిందంటే చాలు.. అభిమానులు సంబురాలు చేసుకుంటారు. అయితే, ఆయన జీవితంలో అన్ని విషయాలను తెలుసుకోవాలని అభిమానులు, సినీ ప్రేక్షకులు, లవర్స్ అనుకుంటారు. కానీ, అందరికీ అది సాధ్యపడదు. ఈ క్రమంలోనే ఆయన గురించి పుస్తకాలు రావాలనుకుంటారు.
ఆ కలను రైటర్ ఎస్ఎంఎం ఔసజ సాకారం చేస్తున్నారు. అమితాబ్ బచ్ఛన్ జీవిత విశేషాలను పూసగుచ్చినట్లు రచిస్తున్నారు. కేవలం అమితాబ్ బచ్చన్ గురించి మాత్రమే కాకుండా ఆయన మూడు తరాల కుటుంబ సభ్యులను గురించి సవివరంగా అందులో రచిస్తున్నారు. దాదాపు మూడున్నర కిలోల పుస్తకం ఆయన రచిస్తున్నారు. ఇందులో వారు సాధించిన విజయాలు, వ్యక్తిగత, వృత్తి జీవితానికి సంబంధించిన వివరాలన్నీ ఉంటాయి.
‘బచ్చన్స్’ పేరిట ఈ పుస్తకాన్ని ప్రింటింగ్ చేయిస్తున్నారు. ఇందులో అమితాబ్ రేర్ ఫొటోలు కూడా ఉండబోతున్నాయని రైటర్ ఔసజ పేర్కొన్నారు. అమితాబ్ ఫాదర్ హరివంశరాయ్ ఫేమస్ రైటర్. కాగా, ఆయన తనయుడు అయిన అమితాబ్ నటుడిగా చరిత్ర సృష్టించారు.
ఇక అమితాబ్ తనయుడు కోడలు అభిషేక్-ఐశ్వర్యరాయ్ ల గురించి చెప్పనక్కర్లేదు. వీరి గురించి, చిత్ర రంగంలో వీరు సాధించిన విజయాల ప్రస్తావన కూడా బుక్ లో ఉంటుందని రైటర్ ఔసజ వివరించారు. ఈ బుక్ ను బిగ్ బీకి వెరీ ‘బిగ్’ గిఫ్ట్ గా ఆయన బర్త్ డే అయిన అక్టోబర్ 11న రిలీజ్ చేయాలనుకుంటున్నట్లు రైటర్ చెప్పారు. మూడు తరాల బచ్చన్ కుటుంబ సభ్యుల విజయాలు తెలుసుకునేందుకు ఈ పుస్తకం చదివితే చాలు.. కాగా, ఈ బుక్ కోసం సినీ లవర్స్ ఆసక్తిగా ఎదురుచూస్తున్నారు.
