అక్కినేని నాగార్జున హోస్ట్ చేస్తున్న ‘బిగ్ బాస్ సీజన్ 4’ విజయ వంతంగా మూడో వారానికి వచ్చేసింది. ఐపీఎల్ తో పోటీ ఉండడంతో ఈ షోలో రోజుకొక సర్ప్రైజ్ ఇవ్వడానికి ట్రై చేస్తోంది బిగ్ బాస్ టీమ్. సెప్టెంబర్ 6న ప్రారంభమైన ఈ షోలో ఇప్పటికే మొదటి వారంలో డైరెక్టర్ సూర్య కిరణ్, క్యారెక్టర్ ఆర్టిస్ట్ కరాటే కళ్యాణి ఎలిమినేట్ అయ్యారు. ఇక మూడో వారం ఎవరు ఎలిమినేట్ అవుతారనేది ఆసక్తికరంగా మారింది.
అయితే నిన్నటి నుండి సోషల్ మీడియాలో ప్రచారం జరిగినట్టుగానే ఈరోజు టీవీ 9 యాంకర్ దేవీ నాగవల్లి ఎలిమినేట్ అయింది. నిజానికి ఈ వారానికి గానూ లాస్య, దేవి, మోనాల్ గజ్జర్, కుమార్ సాయి, మెహబూబ్, అరియానా, దేత్తడి హారికలు ఎలిమినేషన్ కోసం నామినేట్ అయ్యారు. వీరిలో ఈ థర్డ్ వీక్ ఎవరు ఎలిమినేట్ అవుతారా అని ఆసక్తిగా ఎదురు చూసిన ఆడియన్స్ కి సమాధానం దేవి అని తేలింది. మరి ఆమె ఎవరి మీద బిగ్ బాంబ్ అప్ల్లై చేస్తుందో చూడాలి మరి.
