కరోనా వైరస్ వల్ల చాలా రంగాలు పీకల్లోతు కష్టాల్లో కూరుకుపోయాయి. వాటిలో ఒకటి సినిమారంగం. కరోనా వైరస్ వల్ల ప్రపంచవ్యాప్తంగా ఉన్న సినిమా రంగం తీవ్రంగా నష్టపోయింది. ఆ వుడ్ ఈ వుడ్ అని లేదు చాలావరకు సినిమా రంగం నష్టపోయింది. ఎక్కువగా ఈ మహమ్మారి గుంపులు గుంపులు గా ఉండే ప్రజల మధ్య వ్యాప్తి చెందే అవకాశం ఎక్కువగా ఉండటంతో సినిమా హాల్స్ మొత్తం క్లోజ్ అయిపోయాయి.
వైరస్ ని ఎదుర్కోవటానికి కేంద్ర ప్రభుత్వం విధించిన లాక్ డౌన్ వల్ల షూటింగ్ లు మొత్తం ఆగిపోవటంతో టాలీవుడ్ ఇండస్ట్రీలో పెద్ద ప్రమాదమే దాపురించింది. అదేమిటంటే ఈ వైరస్ వల్ల సినిమా థియేటర్ల వ్యాపార రంగం పూర్తిగా కనుమరుగయ్యే అవకాశాలు ఉండటంతో థియేటర్ యజమానులు, నిర్మాతలు, ఎగ్జిబిటర్లు గొడవకు దిగుతున్నారు. ఈ విషయంలో నిర్మాత మండలి కలుగజేసుకుని భవిష్యత్తులో డిజిటల్ మీడియా కాకుండా సినిమా థియేటర్ ల ద్వారానే సినిమాలు రిలీజ్ చేస్తామని మాట ఇవ్వాలని కోరుతున్నారు.
ఇటీవల తమిళ రంగంలో సూర్య తన సినిమా డిజిటల్ ద్వారా రిలీజ్ చేయనున్నట్లు ప్రకటించడం జరిగింది . దెబ్బకి థియేటర్ల యజమానులకు వ్యతిరేకంగా సూర్య వ్యవహరించడంతో… రాష్ట్రంలో ఉన్న థియేటర్ల యజమానులు సూర్య సినిమాలు థియేటర్లోకి రాకుండా అడ్డుకుంటామని స్పష్టం చేయడం జరిగింది. ఈ సందర్భంగా రెండు తెలుగు రాష్ట్రాలలో ఉన్న థియేటర్ యాజమాన్యాల సంఘం టాలీవుడ్ నిర్మాణ మండలి డిజిటల్ రిలీజ్ చేయకూడదని దానికి ఇండస్ట్రీ స్పష్టమైన హామీ ఇవ్వాలని కోరుతున్నారు.
