యాపిల్ బ్యూటీ హన్సిక వరుస సినిమాలతో దూసుకెళ్తోంది. వెరైటీ కథలతో ప్రేక్షకులను అలరిస్తోంది. ఓవైపు వెండితెరపై మరోవైపు ఓటీటీలోనూ అదరగొడుతోంది. ఇక లేటెస్ట్గా ఈ భామ ప్రధాన పాత్రలో నటించిన మూవీ ‘105 మినిట్స్‌’. రాజు దుస్స దర్శకత్వం వహించిన ఈ చిత్రం జనవరి 26న థియేటర్లలో సందడి చేయనుంది. తాజాగా ఈ మూవీ ట్రైలర్ విడుదలై ప్రేక్షకులను తెగ ఆకట్టుకుంటోంది.
అయితే ఈ సినిమాలో కేవలం హన్సిక మాత్రమే ఉంటుందట. అంటే ఒక్క పాత్రతోనే సినిమా అంతా నడిపిస్తారన్నమాట. అంతే కాదండోయ్ సింగిల్ షాట్లో ఈ చిత్రాన్ని తెరకెక్కించారట. హన్సిక నటించిన ఈ చిత్రం వరల్డ్ ఫస్ట్ సింగిల్ క్యారెక్టర్, సింగిల్ షాట్ మూవీ అన్నమాట. మరి ఈ ట్రైలర్ ఎలా ఉందో ఓసారి చూసేద్దామా?
ట్రైలర్ ప్రారంభంలో హన్సిక ఓ పెద్ద బంగ్లాలో ఉండటం కనిపిస్తోంది. ఆ తర్వాత ఇంట్లో, అడవిలో ఒంటరిగా తిరుగుతున్న ఆమెను ఏదో ఒక అదృశ్య శక్తి భయ పెట్టడంతో పాటు చంపేందుకు ప్రయత్నిస్తూ ఉంటుంది. ఆ సమస్య నుంచి బయటపడలేక తనను తానే గొంతుకు చైన్ చుట్టుకుని మరీ చనిపోయేందుకు ప్రయత్నిస్తుంది. మరి ఇంతకీ ఆమెను వెంటాడే శక్తి ఏంటి? దాని నుంచి ఆమె ఎలా బయటపడింది? తెలియాలంటే జనవరి 26న థియేటర్లకు వెళ్లాల్సిందే.
