‘మోస్ట్ ఎలిజిబుల్ బ్యాచిలర్’ కూడా ఆ లిస్ట్ లోనే ఉందా ..?

అక్కినేని అఖిల్ ఇప్పటి వరకు మూడు సినిమాలు చేశాడు. కాని ఏది హిట్ ఇవ్వలేదు. అయితే ఈ సారి మాత్రం హిట్ పక్కా అని ధీమాగా ఉన్నాడు ఈ అక్కినేని హీరో. బొమ్మరిల్లు భాస్కర్ దర్శకత్వంలో అఖిల్ నటిస్తున్న తాజా చిత్రం ‘మోస్ట్ ఎలిజిబుల్ బ్యాచిలర్’. టాలీవుడ్ మోస్ట్ వాంటెడ్ హీరోయిన్ పూజా హెగ్డే అఖిల్ సరసన నటిస్తుంది. ఇప్పటికే ఈ జంట మీద బాగా క్రేజ్ నెలకొంది. ఇక గతంలో పూజా నాగ చైతన్య తో నటించిన ఒక లైలా కోసం మంచి హిట్ ని అందుకుంది. ఆ సెంటిమెంట్ ఇప్పుడు వర్కౌట్ అవుతుందని భావిస్తున్నారు.

 

ఇక ఈ సినిమాను అల్లు అరవింద్ సమర్పిస్తుండగా గీతా ఆర్ట్స్2 బ్యానర్ పై బన్నీ వాస్ – వాసు వర్మ సంయుక్తంగా నిర్మిస్తున్నారు. గోపీ సుందర్ మ్యూజిక్ అందిస్తున్నారు. ఇప్పటికే ఈ సినిమా నుండి విడుదలైన ఫస్ట్ లుక్ పోస్టర్ తో పాటు సిద్ శ్రీరామ్ పాడిన ఫస్ట్ లిరికల్ ‘మనసా మనసా’ ప్రేక్షకుల నుండి పాజిటివ్ రెస్పాన్స్ ని అందుకున్నాయి. దీంతో కూడా సినిమా మీద పాజిటివ్ బజ్ క్రియోటయింది.

ఇక ఈ సినిమాలో ఉన్న లవ్ అండ్ రొమాంటిక్ సీన్స్ లో అఖిల్ – పూజా హెగ్డే మధ్య కెమిస్ట్రీ బాగా కుదిరిందని.. వీరి మధ్య రొమాన్స్ సినిమాలోనే హైలెట్ గా నిలుస్తోందని యూనిట్ నమ్మకంగా ఉన్నారు. వాస్తవంగా ఈ సినిమాని సమ్మర్ కానుకగా రిలీజ్ చేయాలని చిత్ర యూనిట్ సన్నాహాలు చేశారు. కానీ కరోనా కారణంగా రిలీజ్ వాయిదా పడింది. ఇక ఈ సినిమా సక్సస్ అఖిల్ తో పాటు ‘బొమ్మరిల్లు’ భాస్కర్ కి చాలా కీలకం. అయితే అందరిలాగానే ‘మోస్ట్ ఎలిజిబుల్ బ్యాచిలర్’ టీం కూడా ఈ సినిమాని థియోటర్స్ లోనే రిలీజ్ చేయాలని ఉన్నారట. పరిస్థితులు చక్కబడితే… వి, రెడ్, క్రాక్, నిశబ్ధం సినిమాలతో పాటు ‘మోస్ట్ ఎలిజిబుల్ బ్యాచిలర్’ ని ఆగస్ట్ తర్వాత రిలీజ్ చేయాలని చూస్తున్నారట.