రాఘవ లారెన్స్.. కొరియోగ్రాఫర్గానే కాకుండా డైరెక్టర్, హీరోగా తన సత్తా చాటుతున్నాడు. లారెన్స్ తెలుగు ప్రేక్షకులకు చాలా పరిచయమైన ముఖం. స్టైల్, కాంచన, ముని, కాంచన-2 వంటి సినిమాల్లో నటించి.. డాన్ వంటి సినిమాలకు దర్శకత్వం వహించిన లారెన్స్ తెలుగు ప్రేక్షకులను తన నటనతో, దర్శకత్వంలో ఫిదా చేశాడు. అవడానికి తమిళవాసి అయినా తెలుగు ఇండస్ట్రీలోనూ.. తెలుగు అభిమానుల మదిలో స్థానం సంపాదించుకున్నాడు. అందుకే తను ఏ సినిమా చేసినా రెండు భాషల్లో విడుదల చేసేలా జాగ్రత్తపడుతున్నాడు.
అలా కార్తీక్ సుబ్బరాజు దర్శకత్వంలో రాఘవ లారెన్స్, ఎస్‌.జె.సూర్య ప్రధానపాత్రల్లో నటించిన లేటెస్ట్ మూవీ ‘జిగర్‌ తండ: డబుల్‌ ఎక్స్‌’. ‘జిగర్‌ తండ’కు సీక్వెల్‌గా తెరకెక్కించిన ఈ సినిమా దీపావళి కానుకగా ప్రేక్షకుల ముందుకు వచ్చి మిక్స్డ్ టాక్ను సొంతం చేసుకుంది. ఇక ఇప్పుడీ యాక్షన్‌ కామెడీ ఎంటర్టైన్ర్ ఓటీటీలోనూ అలరించడానికి రెడీ అవుతోంది. ప్రముఖ ఓటీటీ సంస్థ నెట్‌ఫ్లిక్స్‌ వేదికగా డిసెంబర్‌ 8వ తేదీ నుంచి ప్రసారం కానుంది. తెలుగు, తమిళ, మలయాళ, కన్నడ, హిందీ భాషల్లో అందుబాటులో ఉండనుందట. ఇక ఇంగ్లీష్లోనూ ఈ సినిమాను త్వరలోనే ప్రసారం చేస్తారట.
