టాలీవుడ్ స్టార్ హీరోయిన్ సమంతపై మరోసారి నెటిజన్లు గుర్రుగా ఉన్నారు. ఈ భామ విజయ్ దేవరకొండతో కలిసి ఖుషీ చిత్రంలో నటిస్తున్న విషయం తెలిసిందే. తాజాగా ఈ చిత్రంలో నుంచి ఆరాధ్య అనే పాటను రిలీజ్ చేశారు మేకర్స్. ఈ పాటలో విజయ్-సామ్ల కెమిస్ట్రీ అదిరిపోయింది. వారి మధ్య వచ్చే సన్నివేశాలు, మ్యూజిక్, లిరిక్స్ అన్నీ సరిగ్గా సెట్ అయ్యాయి. అయినా నెటిజన్లు ఈ పాటపై ట్రోలింగ్ చేస్తున్నారు. దానికి గల కారణం ఈ సాంగ్లోని ఓ సన్నివేశం. దానివల్ల ఇప్పుడు మరోసారి సామ్ ట్రోలింగ్కు గురవుతోంది. ఇంతకీ ఆ సీన్ ఏంటంటే..?
ఆరాధ్య పాటలో విజయ్ దేవరకొండ సోఫాలో పడుకుని.. సమంత కుడి చేతిని తన కాలితో టచ్ చేస్తున్నట్లు కనిపించారు. దీన్ని చూసిన కొందరు సోషల్మీడియా యూజర్స్.. సామ్ గతంలో ఓ సినిమాపై చేసిన ట్వీట్ను బయటకు తీసి మరీ ట్రోలింగ్ షురూ చేశారు. గతంలో సామ్ ఓ సినిమాకు సంబంధించి ట్వీట్ చేస్తూ.. ‘ఇంకా రిలీజ్ అవ్వనీ ఓ మూవీ పోస్టర్ చూశాను. అది చూడంగానే నా మనోభావాలు బాగా దెబ్బతిన్నాయి’ అని రాసుకొచ్చింది.
అయితే అది మహేశ్ ‘1 నేనొక్కడినే’ సినిమాకు సంబంధించిన పోస్టర్ అని అప్పట్లో చాలా మంది అనుకున్నారు. అందులో మహేశ్ బీచ్లో నడుస్తుండగా.. ఆయనే వెనకే హీరోయిన్ మోకాలి మీదు పాకుతూ కనిపిస్తుంది. దాన్ని ఉద్దేశించే సామ్ అలా ట్వీట్ పెట్టిందని అన్నారు. ఇప్పుడు ఆ పోస్టర్ను-‘ఖుషి’ సెకండ్ సింగిల్ ఆ స్టిల్ను పక్కపక్కన జోడించి ట్రోల్ చేస్తున్నారు.
No Hate But Sorry #Samantha
Karma Hits Back 🍌 pic.twitter.com/eTKTk3NQo8— Nikhil_Prince💫 (@Nikhil_Prince01) July 12, 2023
