హరికృష్ణ మరణం నందమూరి ఫ్యామిలీని శోక సముద్రంలో ముంచింది. నిన్న కారు ప్రమాదంలో ప్రాణాలు కోల్పోయారు హరికృష్ణ ఈరోజు మొయినాబాద్ ఫాం హౌజ్ లో అంత్యక్రియలు జరుగనున్నాయి. ప్రస్తుతం హరికృష్ణ ఇంటి వద్దే ప్రముఖుల సందర్శనార్ధం హరికృష్ణ పార్ధివ దేహాన్ని ఉంచారు. తండ్రిని కోల్పోయిన బాధలో ఎన్.టి.ఆర్, కళ్యాణ్ రాం కన్నీరు మున్నీరవుతున్నారు.
వారిని చూసిన ప్రతి ఒక్కరు జాలి పడుతున్నారు. ఈ క్రమంలో దసరాకి అనుకున్న అరవింద సమేత సినిమా వాయిదా పడే అవకాశాలు కనిపిస్తున్నాయి. సినిమాలో కొంత భాగం రెండు పాటలు షూట్ చేయాల్సి ఉంది. అయితే దానికి కనీసం ఓ 20 రోజుల దాకా ఎన్.టి.ఆర్ డేట్స్ ఇవ్వాల్సి ఉంటుంది. ప్రస్తుతం ఆ పరిస్థితి కనబడటం లేదు. దినకర్మల దాకా ఎన్.టి.ఆర్ బయటకు వచ్చే ఛాన్స్ లేదు.
దసరాకి ఎన్నో భారీ అంచనాలతో అరవింద సమేత వస్తుందని ఊహించినా హరికృష్ణ మరణంతో ఆ సినిమా వాయిదా పడే అవకాశాలు కనిపిస్తున్నాయి. అంతేకాదు రాజమౌళి డైరక్షన్ లో వచ్చే ఎన్.టి.ఆర్, రాం చరణ్ మల్టీస్టారర్ సినిమాకు మరింత లేటు పట్టే అవకాశం కనిపిస్తుంది.
