ప‌వ‌ర్‌స్టార్ పవన్కల్యాణ్ కొంత విరామం త‌రువాత న‌టిస్తున్న చిత్రం `వ‌కీల్‌సాబ్‌`. బాలీవుడ్ హిట్ ఫిల్మ్ `పింక్‌` ఆధారంగా ఈ చిత్రం రూపొందుతోంది. వేణు శ్రీ‌రామ్ ద‌ర్శ‌క‌త్వంలో బోనీ క‌పూర్‌తో క‌లిసి దిల్ రాజు ఈ చిత్రాన్ని నిర్మిస్తున్నారు. లాక్‌డౌన్‌కి ముందే కీల‌క ఘ‌ట్టాల‌ని షూట్ చేశారు. తాజాగా ఈ మూవీ షూటింగ్ రీ స్టార్ట్ అయింది.
పవన్ మాత్రం ఇంకా షూట్లో పాల్గొన‌డం లేదు. రెండ‌వ వారం నుంచి పవన్ షూట్లో పాల్గొన‌బోతున్నార‌ట. ఇదిలా వుంటే ఈ చిత్రానికి చిత్ర బృందం రిలీజ్ డేట్‌ని ప్ర‌క‌టించేసింది. భారీ బ‌డ్జెట్‌తో రూపొందుతున్న ఈ చిత్రాన్ని జ‌న‌వ‌రికి సంక్రాంతి బ‌రిలో నిల‌పాల‌ని ముందే నిర్ణ‌యించేశారు. ఇందు కోసం షూట్‌ని ఫాస్ట్‌గా పూర్తి చేయాల‌ని ప్లాన్ చేస్తున్నార‌ట. ఈ నేప‌థ్యంలో పవన్కల్యాణ్ దిల్‌రాజుకు డెడ్లైన్ పెట్టిన‌ట్టు తెలుస్తోంది. ఈ మూవీ షూటింగ్ కి డ‌బ్బింగ్‌కి మొత్తం క‌లిపి 20 రోజులు మాత్ర‌మే కేటాయిస్తాన‌ని, అంత‌కు మించి కేటాయించ‌న‌ని పవన్ చెప్పేశార‌ట. ఈంతో దిల్ రాజు షూట్‌తో పాటు డ‌బ్బింగ్ ని అనుకున్న టైమ్‌లో పూర్తి చేయాల‌ని పక్కాగా ప్లాన్ చేస్తున్నార‌ట.
