గ్లోబల్ స్టార్ రామ్ చరణ్ విలక్షణ దర్శకుడు శంకర్ డైరెక్ట్ చేస్తున్న ‘గేమ్ చేంజర్’ సినిమాలో హీరోగా నటిస్తున్న విషయం తెలిసిందే. ఈ సినిమాని పొలిటికల్ డ్రామా బ్యాక్ డ్రాప్ లో శంకర్ తెరకెక్కిస్తుండగా ప్రముఖ సినీ నిర్మాత దిల్ రాజు దాదాపుగా రూ.350 కోట్ల బడ్జెట్ తో నిర్మిస్తున్నాడు. ఈ సినిమాలో ఎస్.జె సూర్య, నవీన్ చంద్ర, అంజలి, సముద్రఖని, శ్రీకాంత్, సునీల్ తదితరులు ప్రధాన తారాగణంగా నటిస్తున్నారు.
లక్నోలో టీజర్ లాంఛ్ ఈవెంట్ నిర్వహించారు. తాజాగా గేమ్ ఛేంజర్ టీజర్ రిలీజ్ చేశారు మేకర్స్. బేసిక్ గా రామ్ అంత మంచోడు ఇంకోడు లేడు అనే డైలాగ్ తో ప్రారంభం అవుతుంది. కానీ వాడికి కోపం వస్తే.. వాడంత చెడ్డోడు ఇంకోడు ఉండడు. యాక్షన్ సీన్స్, డ్యాన్స్, సాంగ్స్ ఆకట్టుకున్నాయి. రామ్ చరణ్ అరుపులు.. స్టైల్ చాలా బాగుందనే చెప్పాలి. గేమ్ ఛేంజర్ అనే టైటిల్ పడే సమయంలో చెస్ గేమ్ ఆకట్టుకుంటుంది. మొత్తానికి ఈ టీజర్ చూస్తుంటే.. ప్రేక్షకులకు పూనకాలు తెప్పిస్తుందనే చెప్పాలి. రామ్ చరణ్ నుంచి అభిమానులు ఏమి కోరుకుంటారో అవే అద్భుతంగా ఈ సినిమాలో చూపించారు డైరెక్టర్ శంకర్.
