సారంగాపూర్ మండలం ఆలూర్ గ్రామంలో వడ్ల కొనుగోలు కేంద్రాన్ని బీజేఎల్పీ నేత ఏలేటి మహేశ్వర్ రెడ్డి, బీజేపీ రాష్ట్ర ప్రధాన కార్యదర్శి గుజ్జుల ప్రమేందర్ రెడ్డి, ఎమ్మెల్యే రామారావు పటేల్ లు సందర్శించారు. ఈ మేరకు రైతులు మాట్లాడుతూ వరి కోతలు అయి ధాన్యం కల్లాల్లో పోసి నెల రోజులు గడుస్తున్న ఇంకా కొనుగోలు ప్రక్రియ ప్రారంభించడం లేదని రైతులు ఆవేదన వ్యక్తం చేశారు. ఈ సందర్భంగా ఎమ్మెల్యే ఏలేటి మహేశ్వర్ రెడ్డి అదనపు కలెక్టర్ గారితో మాట్లాడి రేపటిలోగా ధాన్యం కొనుగోలు ప్రారంభించాలని, రైతులను గన్ని బస్తాలు, ఇతరత్రా సౌకర్యాలు కల్పించాలని అన్నారు.
అయితే ధ్యానం కల్లాల్లో పోసి నెల రోజులు గడుస్తున్న రాష్ట్ర ప్రభుత్వం కొనుగోలు సంబంధించి ఇంకా ఏజెన్సీలకు రైస్ మిల్లులు కేటాయించక పోవడం ఏంటని మహేశ్వర్ రెడ్డి గారు ప్రశ్నించారు. రాష్ట్ర వ్యాప్తంగా కొనుగోలు కేంద్రాలకు సంబంధించి అన్ని సౌకర్యాలు ఏర్పాటు చేసి ధాన్యాన్ని సేకరించాలని డిమాండ్ చేశారు. లేని యెడల రైతులు పెద్ద ఎత్తున రోడ్ల పైకి వచ్చే అవకాశం ఉందని, బీజేపీ రాష్ట్ర నాయకత్వం సైతం ఉద్యమం చేస్తామని తెలిపారు.
