సమంత అక్కినేని నాగ చైతన్య ని పెళ్ళి చేసుకున్నాక గ్లామర్ పాత్రలను పక్కన పెట్టింది. కథానాయిక ప్రాధాన్యం ఉన్న సినిమాలని, అలాగే కథా బలమున్న పాత్రలని ఎంచుకుంటూ సక్సస్ లని అందుకుంటుంది. మజిలీ, ఓ బేబి సినిమాలతో వరసగా రెండు హిట్స్ అందుకున్న సమంత జాను తో హ్యాట్రిక్ హిట్ అందుకోవాలనుకుంది. కాని ఆ సినిమా సమంతని నిరాశ పరచింది. ఇక ఈ సినిమా తర్వాత మరోసారి నందిని రెడ్డి దర్శకత్వంలో ఒక సినిమా చేయబోతున్నట్టు సమాచారం.
ప్రస్తుతానికి సమంత చేతిలో ఉంది ఆ ప్రాజెక్టే. అయితే మరోసారి భర్త నాగ చైతన్య తో కలిసి మజిలీ వంటి సినిమాలో నటించాలనుకుంటుంది. ఆ దిశగానే కథలను వింటుందట. అయితే ఈ లోపు ఒక వెబ్ సిరీస్ లో నటిస్తుంది సమంత. ఇప్పటికే ఒక సిరీస్ కంప్లీట్ చేసుకున్న ఈ వెబ్ సిరీస్ దానికి కొనసాగింపుగా సీక్వెల్ ని రూపొందిస్తున్నారు. ఫ్యామిలీ మాన్ సీజన్ వన్ వచ్చి మంచి ఆదరణని దక్కించుకుంది. మనోజ్ బాయ్ పాయ్, ప్రియమణి ముఖ్య పాత్రలు పోషించారు.
ఇప్పుడు ఇదే వెబ్ సిరీస్ ఫామిలీ మాన్ సీజన్ 2 లో ఆ ఇద్దరి తో పాటు సమంత నటిస్తోంది. అయితే ఇది ఒక ప్రయోగాత్మకమైన పాత్ర కాబట్టే సమంత ఒప్పుకుందట. అంతేకాదు మొదటిసారి ఈ వెబ్ సిరీస్ లో విలన్ పాత్రలో కనిపించనుందట. దీనికి సంబంధించిన షూటింగ్ కూడా కంప్లీటయిందట. అక్టోబర్ లో ఈ వెబ్ సిరీస్ ని రిలీజ్ చేయనున్నారు. అయితే సమంత నెగిటివ్ రోల్ లో కనిపిస్తే ఫ్యాన్స్ రియాక్షన్ ఎలా ఉంటుందన్నది ఇప్పుడు ఆసక్తికరంగా మారింది. ఇక త్వరలో నిర్మాతగాను ప్రొడక్షన్ హౌజ్ ని ప్రారంభించి సినిమాలను నిర్మించాలనుకుంటున్నారట సామ్.. చై.
