టాలీవుడ్ టాలెంటెడ్ హీరో సత్యదేవ్..ఓ వైపు తను కథానాయకుడిగా సినిమాలు చేస్తూనే మరో వైపున పలు సినిమాల్లో కీలక పాత్రలను పోషిస్తున్నారు. ఎలాంటి బ్యాక్ గ్రౌండ్ లేకుండా సినీ ఇండస్ట్రీకి వచ్చి తనకంటూ ఓ ప్రత్యేకమైన గుర్తింపు తెచ్చుకున్నారు సత్యదేవ్.
‘బ్లఫ్ మాస్టర్’ ఫేమ్ గోపీ గణేశ్ దర్శకత్వంలో సత్యదేవ్ నటించిన చిత్రం ‘గాడ్సే’. ఈ నెల 17న సినిమా విడుదల కానున్న నేపథ్యంలో మూవీ ప్రమోషన్స్ స్టార్ట్ చేశారు మేకర్స్. ఈ నెల 7న ఈ సినిమా నుంచి ‘రారమ్మంది..ఊరు’ అనే సాంగ్ రిలీజ్ కానుంది. రామ్ మిరియాల ఆలపించిన ఈ పాటను ప్రమోట్ చేయడం కోసం సత్యదేవ్ తానే గాయకుడిగా కొద్దిసేపు అవతారమెత్తాడు.
‘రారమ్మంది..ఊరు’ అనే సాగే పాటలోని మొదటి రెండు చరణాలను పాడి వినిపించాడు. ఈ వీడియోను ట్విట్టర్ వేదికగా విడుదల చేయగా, సదరు వీడియో సోషల్ మీడియాలో బాగా వైరలవుతోంది. సి.క‌ల్యాణ్ ప్రొడ్యూస్ చేసిన ఈ ఫిల్మ్ లో ఫిమేల్ లీడ్ రోల్ మాలీవుడ్ (మలయాళ) భామ ఐశ్వర్య ప్లే చేసింది.
నాగబాబు ఈ చిత్రంలో కీలక పాత్ర పోషించగా, సినిమా చాలా బాగుంటుందని మేకర్స్ చెప్తున్నారు. సత్యదేవ్ ఇటీవల విడుదలైన మెగాస్టార్ ‘ఆచార్య’ చిత్రంలో కనిపించారు. ‘గాడ్ ఫాదర్’ చిత్రంలోనూ నటిస్తున్నారు. బాలీవుడ్ ఖిలాడీ అక్షయ్ కుమార్ ‘రామ్ సేతు’లోనూ సత్యదేవ్ కీలక పాత్ర పోషిస్తున్నాడు.
.@ActorSatyaDev is excited about the next single #RaaRaMandhi from #Godse
Full song out tomorrow
🎤@Ram_Miriyala@ActorSatyaDev @MeGopiganesh @AishuLekshmi @actorbrahmaji #SandyAddanki @ramjowrites @NagaBabuOffl @mrnoelsean @shreyasgroup @CKEntsOffl @vamsikaka @adityamusic pic.twitter.com/qofsghKmHV
— BA Raju's Team (@baraju_SuperHit) June 6, 2022
