ఎన్నో అంచనాల మధ్య రిలీజైన ‘శాకుంతలం’ తొలిరోజే డిజాస్టర్‌ టాక్ మూటగట్టుకుంది. ప్రొడ్యూసర్ దిల్‌రాజు కూడా తన పాతికేళ్ల సినిమా కెరీర్లో శాకుంతలం ఓ పెద్ద జర్క్‌ ఇచ్చిందని చెప్పాడు. టాలీవుడ్ స్టార్ హీరోయిన్ సమంత ప్రధాన పాత్రలో నటించినా.. యశోద తర్వాత ఈ సినిమాకు సూపర్ హైప్ వచ్చినా.. అవేమీ ఈ చిత్రానికి వసూళ్లు తెచ్చిపెట్టలేకపోయాయి. ఇటు ప్రేక్షకులను అలరించలేక.. అటు బాక్సాఫీస్ వద్ద బోల్తా కొట్టింది. ఈ సినిమాతో గుణశేఖర్ కెరీర్లో మరో ఫ్లాప్ యాడ్ అయింది. అందుకే ఈ సినిమా నెల తిరక్కుండానే ఓటీటీ బాట పట్టింది. ఓటీటీలోనూ వ్యూయర్స్ ఈ చిత్రాన్ని అంతగా ఆదరించలేదు.
అయితే అట్టర్ ఫ్లాప్ టాక్ మూటగట్టుకున్న శాకుంతలం సినిమా కేన్స్ ఫిల్మ్ ఫెస్టివల్లో మాత్రం తన సత్తా చాటింది. ఏకంగా నాలుగు ఇంటర్నేషనల్ పురస్కారాలు సొంతం చేసుకుంది. కేన్స్ ఫెస్టివల్లో శాకుంతలం సినిమాకు బెస్ట్ ఫారిన్ ఫిల్మ్, బెస్ట్ ఫాంటసీ ఫిల్మ్, బెస్ట్ కాస్ట్యూమ్‌ డిజైన్, బెస్ట్ ఇండియన్ ఫిల్మ్ కేటగిరీల్లో నాలుగు అవార్డులు లభించాయి.
