మలయాళంలో సూపర్ హిట్ అయిన యూత్‌ఫుల్‌ ఎంటర్‌టైనర్‌ ‘ప్రేమలు’. ఈ చిత్రానికి వచ్చిన క్రేజ్తో మూవీని అదే పేరుతో తెలుగులో విడుదల చేశారు. సినిమా అంతా హైదరాబాద్లో చిత్రీకరణ జరుపుకోవడం, యూత్కు రిలేటెడ్ స్క్రిప్టు కావడం, చిత్రంలో కామెడీ వర్కవుట్ అవ్వడంతో ఈ సినిమాకు మంచి టాక్ వచ్చింది. ఈ నేపథ్యంలో అటు మలయాళంలో ఇటు తెలుగులో మంచి విజయాన్ని సాధించింది. ఈ నేపథ్యంలో హైదరాబాద్లో తాజాగా సక్సెస్ మీట్ కూడా నిర్వహించారు. ఇక ఈ మూవీపై ఇప్పటికే ప్రముఖులు ప్రశంసలు కురిపించారు.
తాజాగా సూపర్ స్టార్‌ హీరో మహేశ్ బాబు ఈ చిత్రంపై స్పందించారు. సోషల్ మీడియా వేదికగా చిత్రబృందంపై పొగడ్తల వర్షం కురిపించారు. ప్రేమలు మూవీని తెలుగు ప్రేక్షకుల ముందుకు తీసుకువచ్చినందుకు కార్తికేయకు కృతజ్ఞతలు చెప్పారు. ఈ సినిమాను తాను బాగా ఎంజాయ్‌ చేసినట్లు తెలిపారు. సినిమా చూస్తూ ఇంతలా ఎప్పుడు నవ్వానో కూడా గుర్తులేదన్న ఆయన తన కుటుంబం మొత్తానికి సినిమా బాగా నచ్చిందని అన్నారు. యంగ్‌స్టర్స్‌ అందరూ అద్భుతంగా నటించారని, మొత్తం టీమ్‌కు తన అభినందనలు తెలుపుతూ పోస్టు పెట్టారు.
