Chatrapati: టాలీవుడ్ యంగ్ హీరో బెల్లంకొండ సాయి శ్రీనివాస్ తాజాగా నటించిన చిత్రం చత్రపతి. మే 12న ఈ సినిమా ప్రేక్షకుల ముందుకు రాబోతున్న నేపథ్యంలో తాజాగా ట్రైలర్ను విడుదల చేసింది. చిత్ర బృందం భారీ యాక్షన్ సీన్స్ తో ఉన్న ఈ ట్రైలర్ అభిమానుల్ని ఆకట్టుకుంటుంది..
టాలీవుడ్ యంగ్ హీరో బెల్లంకొండ సాయి శ్రీనివాస్ ‘ఛత్రపతి’ హిందీ రీమేక్‌తో బాలీవుడ్ ఎంట్రీ ఇవ్వనున్నారు. దర్శకుడు రాజమౌళి డైరెక్షన్లో యంగ్ హీరో ప్రభాస్ శ్రేయ జంటగా నటించిన ఈ సినిమా అప్పట్లో మంచి విజయాన్ని అందుకుంది. 2005లో విడుదలైన ఈ సినిమా బాక్సాఫీస్ వద్ద రికార్డులు కొల్లగొట్టింది. కాగా ప్రస్తుతం ఈ సినిమాకు రీమేక్ సిద్ధమైంది వివి వినాయక దర్శకత్వంలో బెల్లంకొండ సాయి శ్రీనివాస్ నటించిన ఇందులో హీరోయిన్ గా బాలీవుడ్ భామ నుస్రత్ బరూచా కనిపించనుంది. ఇప్పటికే విడుదలైన ఈ సినిమా టీజర్ అభిమానుల్ని ఆకట్టుకోగా ప్రస్తుతం ట్రైలర్ విడుదలై అలరిస్తుంది.
ఈ సినిమా తెలుగులో భారీ యాక్షన్స్ సన్నివేశాలు ఉండగా తెలుగు వెర్షన్ కి ఏ మాత్రం తగ్గకుండా హిందీ రీమేక్ ను తెరకెక్కించినట్టు తెలుస్తోంది. ఈ ట్రైలర్లో భారీ యాక్షన్ సీన్లతో పాటు ఫైటింగ్స్ అవుట్ అండ్ అవుట్ పవర్ ప్యాక్డ్గా చిత్రీకరించినట్టు తెలుస్తోంది. తెలుగులో ప్రభాస్ ఏ విధంగా ఫిట్గా కనిపించారు అదే విధంగా తన బాడీని బెల్లంకొండ మార్చుకున్నట్టు తెలుస్తోంది. కాగా ఈ చిత్రంలో బాలీవుడ్ లెజెండ‌రీ క‌మెడియ‌న్ జానీ లివ‌ర్ కూడా కీలక పాత్ర పోషించారు. ఇంకా హీరో బెల్లంకొండ శ్రీనివాస్, నుస్రత్ బరూచా, భాగ్యశ్రీతో పాటు అమిత్ నాయర్, సాహిల్ వైద్, శివమ్ పాటిల్, రాజేంద్ర గుప్తా, ఆశిష్ సింగ్ సహా పలువురు నటించారు. ఈ చిత్రాన్ని పెన్ స్టూడియోస్‌ బ్యానర్పై బాలీవుడ్ నిర్మాత జ‌యంతి లాల్ గ‌డా నిర్మించారు.
