టాలీవుడ్ కమెడియన్ వెన్నెల కిశోర్ తాజాగా నయా అవతార్లో కనిపించారు. ఆయన హీరోగా తన తొలి చిత్రాన్ని ప్రకటించారు. స్పై యాక్షన్ కామెడీ చిత్రం చేస్తున్నట్లు తాజాగా తెలిపారు. ఈ చిత్రానికి చారీ 111 అనే టైటిల్ను ఫిక్స్ చేశారు. హీరో సుమంత్తో కలిసి మళ్లీ మొదలైంది చిత్రం చేసిన దర్శకుడు టీజీ కీర్తి కుమార్.. ఈ చిత్రానికి దర్శకత్వం వహిస్తున్నారు. బార్కట్ స్డూడియోస్ బ్యానర్పై అడితి సోని నిర్మిస్తుండగా.. సీనియర్ నటుడు మురళి శర్మ, బ్రహ్మాజీ, సత్య, రాహుల్ రవీంద్రన్ ఇతర పాత్రల్లో నటిస్తున్నారు. సీక్రెట్ స్పైగా కిశోర్ నటిస్తుండగా.. మురళి శర్మ స్పై ఏజెన్సీ హెడ్గా కనిపించనున్నారు. సంయుక్త విశ్వనాథన్ హీరోయిన్గా నటిస్తోంది.
తాజాగా మేకర్స్ సినిమాను అనౌన్స్ చేస్తూ ఓ గ్లింప్స్ను రిలీజ్ చేశారు. వీడియోలో “ఎప్పుడూ ప్రశాంతంగా ఉండే ఈ సిటీకి ఓ ప్రమాదం వచ్చి పడింది. దాన్ని ఎదురించడానికి ఒక ఎక్స్ ఆర్మీ మెన్ రా. ఈ కథలోనే ఒక విలన్. ఒక హీరోయిన్. అలాగే ఒక సమస్య. వీళంలతా ఎదురుచూసేది ఒకే ఒక్కడి కోసం. ఒక హీరో. కానీ వాళ్లకు దొరికిందేమో లక్క్ ఉండి టాలెంట్ స్టైల్ ఉన్న స్టఫ్ లేని ఓ ట్యూబ్లైట్ గాడు.” అంటూ బ్యాక్గ్రౌండ్లో కమెడియన్ సత్య వాయిస్ ఓవర్ ఇచ్చారు.
