టాలీవుడ్ రౌడీ హీరో విజయ్ దేవరకొండ కెరీర్ను మలుపు తిప్పిన సినిమాల్లో ‘గీత గోవిందం’ కూడా ఒకటి. ఇప్పుడు ఆ సినిమా దర్శకుడు పరశురామ్తో విజయ్ మరో సినిమాలో నటిస్తున్నారు. ‘VD 13’గా తెరకెక్కుతున్న సినిమా కోసం పని చేసేందుకు రెడీగా ఉన్నారు. ఇటీవలే ఈ సినిమా పూజా కార్యక్రమం గ్రాండ్గా స్టార్ట్ అయ్యింది. రెగ్యులర్ షూటింగ్ కూడా ప్రారంభం కాకుండానే ఈ సినిమా గురించి తాజాగా ఓ న్యూస్ నెట్టింట చక్కర్లు కొడుతోంది. ఈ సినిమాకు ‘ఫ్యామిలీ స్టార్’ అనే టైటిల్ పెట్టనున్నారట. ఈ విషయంపై ఇప్పటి వరకు ఎటువంటి అధికారిక సమాచారం రాలేదు.
సంక్రాంతి కానుకగా ప్రేక్షకుల ముందుకు తీసుకొచ్చేందుకు మేకర్స్ సన్నాహాలు చేస్తున్నారట. శ్రీ వెంక‌టేశ్వ‌ర క్రియేష‌న్స్ ప‌తాకంపై శిరీష్‌, దిల్‌రాజు సంయుక్తంగా నిర్మిస్తున్న ఈ సినిమా రెగ్యులర్ షూటింగ్ ప్రారంభమైంది. ఇందులో విజయ్ సరసన ‘సీతారామం’ బ్యూటీ మృణాల్ ఠాకూర్ నటిస్తున్నారు. ఇక ఈ చిత్రానికి గోపీసుందర్‌ సంగీతాన్ని అందిస్తున్నారు.
