విజయ్ దేవరకొండ హీరోగా రాహుల్ సంకృత్యన్ డైరక్షన్ లో వస్తున్న సినిమా టాక్సీవాలా. యువి క్రియేషన్స్, గీతా ఆర్ట్స్ కలిసి నిర్మించిన ఈ సినిమా కొన్నాళ్లుగా రిలీజ్ వాయిదా పడుతూ వస్తుంది. ఎట్టకేలకు ఈ సినిమా నవంబర్ 17న రిలీజ్ కాబోతుంది. ఇక ఈ సినిమా ప్రీ రిలీజ్ ఈవెంట్ లో భాగంగా ట్రైలర్ రిలీజ్ చేశారు. సస్పెన్స్ అండ్ కామెడీ ఎంటర్టైనర్ గా ఈ సినిమా రాబోతుందని తెలుస్తుంది.
ఓ కారు చుట్టూ నడిచే కథగా టాక్సీవాలా సినిమా ఉంటుందని ట్రైలర్ చూస్తే అర్ధమవుతుంది. హీరో ముచ్చటపడి కొన్న కారు అతన్ని రిస్క్ లో పడేస్తుంది. మరి ఈ సస్పెన్స్ థ్రిల్లర్ ఎలా ఉండబోతుందో చూడాలంటే ఈ శనివారం వరకు వెయిట్ చేయాల్సిందే.
విజయ్ దేవరకొండ సరసన ప్రియాంకా జవల్కర్ నటిస్తుంది. జాక్స్ బిజాయ్ మ్యూజిక్ అందిస్తున్న ఈ సినిమాలో పాటలు ప్రేక్షకులను అలరిస్తున్నాయి. గీతా గోవిందం సూపర్ హిట్ తర్వాత విజయ్ దేవరకొండ చేసిన నోటా నిరాశపరచింది. మరి టాక్సీవాలా మళ్లీ అతన్ని హిట్ ట్రాక్ ఎక్కిస్తుందో లేదో చూడాలి.
