సిద్దిపేటలో రోడ్డు దాటుతున్న వ్యక్తిని ఢీకొన్న ట్రాక్టర్.. వ్యక్తి మృతి

సిద్దిపేట పట్టణంలోని గద్ద బొమ్మ వద్ద రోడ్డు ప్రమాదం జరిగింది. తుమ్మలపల్లి చక్రపాణి అనే 40 సంవత్సరాల వ్యక్తి రోడ్డు దాటుతుండగా అతి వేగంగా వచ్చిన ట్రాక్టర్ చక్రపాణిని ఢీకొట్టడంతో అక్కడికక్కడే మృతిచెందాడు. ఉదయం మార్నింగ్ వాక్ కోసం చక్రపాణి వెళ్ళినట్టుగా కుటుంబ సభ్యులు తెలిపారు. కేసు నమోదు చేసుకున్న ఒన్ టౌన్ పోలీసులు దర్యాప్తు చేస్తున్నారు. మృతుడికి భార్య, ముగ్గురు పిల్లలు ఉన్నారు.