ప్రపంచం మొత్తాన్ని ఒక్కసారిగా అల్లకల్లోలం చేసి, అన్ని దేశాల ఆర్ధిక వ్యవస్థలను చిన్నాభిన్నం చేసి, మనిషిని చూస్తే మనిషి భయపడే పరిస్థితి తీసుకువచ్చిన కరోనా వైరస్(కోవిడ్-19) విషయంలో రోజు రోజుకీ ప్రపంచం ముందు చైనా దోషిగా నిలబడటం అనే విషయానికి బలం పెరుగుతూ ఉంది! తాను తీసుకున్న గోతిలో తానే పడ్డట్టుగా… బయోవార్‌ కు తెరతీసి ప్రపంచ దేశాలపై
గుత్తాధిపత్యం చేయాలనే వక్రబుద్దితో ఈ ప్రాణాంతక వైరస్ ను సృష్టించిన చైనా… అది కాస్త బెడిసికొట్టడంతో తిరిగి వారే బాధితులయ్యారనే వాదనలు వినిపిస్తున్నాయి. ఇంతకూ ఈ వైరస్ ను చైనా ఎందుకు సృష్టించింది.. ఇంకెందుకు ప్రపంచం మీదకు వదిలింది అనే విషయాలపై ఒక కథనం తాజాగా వెలువరించబడింది.
అమెరికాపై పైచేయి సాధించేందుకు చైనా ఆడిన “బయో ఆటే” కోవిడ్ – 19 అని.. ఈ ఆటలో ప్రపంచం మొత్తం అల్లకల్లోలం అయ్యిందని అమెరికాకు చెందిన ఫ్యాక్స్ న్యూస్ చానల్ ఒక కథనం వెలువరించింది. వుహాన్‌ ఇన్‌స్టిట్యూట్‌ ఆఫ్‌ వైరాలజీ ల్యాబ్‌ లో పరిశోధనలు చేస్తున్న ఇంటర్న్‌.. అనుకోకుండా ఈ వైరస్ ను లీక్‌ చేశారని చెబుతున్న ఫ్యాక్స్ న్యూస్ చానల్… అమెరికాపై పైచేయి సాధించేందుకు చైనా ప్రభుత్వం వైరస్ ను ఉపయోగించుకోవాలని భావించిందనే విషయం విశ్వసనీయ వర్గాల ద్వారా తమకు తెలిసిందని చెప్పుకొచ్చింది!
ఆ సంగతులు అలా ఉంటే… వక్రబుద్దితో ఆలోచించి ఆడ్డదారిలో పెద్దన్నయ్యఅయిపోవాలని భావించిన చైనీస్‌ కమ్యూనిస్టు పార్టీ నేతృత్వంలోని ప్రభుత్వం… అమెరికాపై పెత్తనం కోసం చేసిన ఈ పనిలో వారికి వారు బలవడంతోపాటు, వారు ఆశించినట్లు చెబుతున్న అమెరికా అతలాకుతలం అవ్వడమే కాకుండా… ప్రపంచ దేశాలు, అమాయకులైన ఎందరో ప్రజలు మృత్యువాతపడ్డారు! ఇది చైనా విజయమా.. ఈ పని చేసిన చైనాను ప్రపంచం ముందు దోషిగా నిలబెడతాం అని చెబుతున్న అమెరికా విజయమా అనే విషయం కాసేపు పక్కన పెడితే… వీరి వీరి ఆధిపత్య పోరుముందు… ప్రపంచ దేశాలు అన్నీ బలిపశువులైపోయాయి అనడంలో ఎవరికీ సందేహం ఉండకపోవచ్చు!!
