ఒక్కోసారి రెప్పపాటు సెకనులో రోడ్డు ప్రమాదాలు కానీ, రైలు ప్రమాదాలు కానీ జరుగుతూ ఉంటాయి. అలాంటి వాటిని ఎవరూ ఆపలేరు. కానీ మన కళ్ళముందే ప్రమాదం జరుగుతుంది అని తెలిసి .. దానిని ఆపలేకున్నా కనీసం మన వంతు ప్రయత్నం చేయడం మన బాధ్యత. సరిగ్గా ఈ మాటలు సూటయ్యే పనిని ఒక బామ్మ చేసి చూపించింది. కర్ణాటక రాష్ట్రంలో మంగళూరుకు చెందిన చంద్రావతి అనే ఒక పెద్దావిడ పెద్ద రైలు ప్రమాదాన్ని తప్పించింది. మంగుళూరు రైల్వే ట్రాక్ పై ఒక పెద్ద చెట్టు పడిపోయింది. ఇక ఏ ట్రైన్ వచ్చినా దూరం నుండి కనబడే ఛాన్స్ లేదు కాబట్టి కచ్చితంగా ప్రమాదం జరుగుతుంది.
